مصر، فرعونون باشینی ایسته‌ییر

لندن یؤنتیمینین جوابینا دایر بیلگی وئریلمه‌دی

1216477
مصر، فرعونون باشینی ایسته‌ییر

مصر یؤنتیمی، اینگیلتره‌یه، میلاددان اؤنجه ۱۳۳۴-۱۳۲۵ ایللرینده حؤکوم سورن فرعون توت‌عنخ‌آمونون قیزیل هیکل باشی اوچون جولای آیین‌دا ائدیله‌جگی بیلدیریلن مزایده‌نین دوردورولماسی چاغریسی ائتدی.

مصر دیش ایشلری باخانلیغی طرفیندن، توت‌عنخ‌آمونون قیزیل اؤرتولو هیکل باشینین ۴ جولایدا باشکند لندنده گرچکلشدیریله‌جک بیر مزایده‌ده ساتیلاجاغی یؤنونده مئدیادا چیخان خبرلرین آردین‌دان آچیقلاما وئردی.

مصرین لندن ائلچیلیگینین مزایده‌نین دوردورولماسی و هیکلین مصره قایتاریلماسینا ایلیشکین اینگیلتره دیش ایشلری باخانلیغییلا ارتباطا گئچدیگی ایفاده ائدیلن آچیقلامادا، لندن یؤنتیمینین جوابینا دایر بیلگی وئریلمه‌دی.

قونویلا ایلگی‌لی مزایده سالونو و بیرلشمیش میلتلر ائییتیم، بیلیم و کولتور هؤرگوتو یونسجکو ایله ده یازیشمالارین ائدیلدیگی بیلدیریلن آچیقلامادا، مؤوجود یاسالار چرچیوه‌سینده سؤز قونوسو تاریخی اثرده مصرین حاقی اولدوغو وورغولاندی.



ایلگیلی‌لی خبرلر