اینگیلیس گؤزه‌لی: "تورکیه اینانیلماز درجه‌ده گؤزل اؤلکه‌دیر"

توریزم تانیتیم فیلم‌لری چکیلیشینه قاتیلماق اوچون موغلایا گلن 2018-جی ایل اینگیلتره گؤزه‌لی آلیشا کووی تورکیه-‌نین طبیعی گؤزل‌لیک‌لرین‌دن چوخ تأثیرلندی.

alisha cowie2.jpg
alisha cowie1.jpg

توریزم تانیتیم فیلم‌لری چکیلیشینه قاتیلماق اوچون موغلایا گلن 2018-جی ایل اینگیلتره گؤزه‌لی آلیشا کووی تورکیه-‌نین طبیعی گؤزل‌لیک‌لرین‌دن چوخ تأثیرلندی.

کووی اینگیلیس‌لرین تورکیه-‌ده اوستونلوک وئردیگی استراحت یئرلرین‌دن بیری اولان موغلا-دا بؤلگه‌نین گؤزل‌لیک‌لری‌نین تقدیماتی اوچون کامئرا قارشی‌سینا کئچدی.

دالیان کانا‌لی، قایا مزارلاری، سلطانییه ایتسی سولاری، دنیز تیسباغا‌لاری آراشدیرما قورتارما و رئابیلیتاسیون مرکزینده (DEKAMER) گؤرونتولر سرگیله‌ین جووی گؤجک 12 آدا‌لاردا ماوی تور حیاتا کئچیردی، اؤلو دنیزده پاراشوت‌دن آتلادی، کایاکؤی آچیق هاوا موزه سینده ده تانیتیم چکیلیش‌لرینده ایشتیراک ائتدی.

آلیشا کووی گزدیگی بؤلگه‌لرده دادینا باخدیغی یئرلی محصول‌لارین ده فوتوشکیل‌لرینی چکیب اجتماعی مدیا حسابیندان تعقیب چیلری ایله پای‌لاشدی. 12 آدا‌لارا سیاحت ائتدی و بؤلگه‌نین گؤزل‌لیگینی فوتوشکیل‌لره هکک ائتدی.

کووی تورکیه-‌نین اینگیلتره‌دکی ایمیجی‌نین چوخ یاخشی اولدوغونو، اینگیلیس‌لرین تورکیه-نی چوخ سئودیگینی دیله گتیردی.

تورکیه-‌یه ایلک دفعه 10 ایل اول کیچیک یاش‌لاریندا گلدیگینی بیلدیرن کووی:"تورکیه اینانیلماز درجه‌ده گؤزل بیر اؤلکه‌دیر. اینسان‌لار چوخ مهریبان و چوخ قوناق‌پروردیرلر. بورادا گؤردوگوم طبیعی و تاریخی گؤزل‌لیک‌لر منه چوخ تأثیر ائتدی. هامی‌سی بیر-بیرین‌دن گؤزل‌دیر. خصوصیله، اینسان‌لارین منه گؤستردیگی ماراق و قوناق‌پرورلیک اینانیلماز ایدی. تورکیه-‌ده چوخ گؤزل تصورات ‌لاریم اولدو" دئدی.

چکیلیش‌لر اسناسیندا ایلک دفعه پالچیق حامامینی قبول ائتدیگینی قئید ائدن کووی سلطانییه ایستی سولارینداکی استراحتی‌نین، اؤلو دنیزده یاماج پاراشوتون‌دن آتلانماسی‌نین چوخ تأثیرلی اولدوغونو ایفاده ائتدی.

تورکیه-نی تانیتدیغی اوچون فخر ائتدیگینی و بونا گؤره اؤزونو خوشبخت حیس ائتدیگینی وورغولایان کووی سؤزونه بئله داوام ائتدی: "گئدجییم بوتون اؤلکه‌لرده، بوتون تدبیرلرده، بوتون پلاتفورما‌لاردا تورک خالقی‌نین نه قدر قوناق‌پرور اولدوغون‌دان، تورکیه-‌نین نه قدر اینانیلماز گؤزل بیر اؤلکه اولدوغون‌دان بحث ائده‌جه‌یم. می آییندا اولماغیمیزا باخمایا‌راق، اینانیلماز گؤزل بیر هاوا وار. تورکیه-‌ده ماوی سفره چیخماق چوخ فرق‌لی بیر دویغودور. بورا چوخ ایستی‌دیر و هئچ بیر سویوق یوخ‌دور. حالبوکی گلدیگیم اینگیلتره چوخ سویوق و هر زامان یاغیش‌لی بیر اؤلکه‌دیر. خصوصیله، اینگیلیس‌لرین بورایا هر زامان گله بیله‌جک‌لرینی دوشونورم و حتی مطلق گلمه‌لرینی، بو گؤزل‌لیک‌لری کشف ائتمه‌لرینی توصیه ائدیرم. تورکیه-‌نین چوخ تهلوکه‌سیز بیر اؤلکه اولدوغونو وورغولاماق ایستییرم . تورک خالقی‌نین خصوصیله، توریست‌لره چوخ یاخین ماراق گؤستردیگینی ایفاده ائتمک ایستییرم. هئچ بیر یئرده ناراحات ائدیلمدیم. هر گئتدیگیم یئرده حقیقتن بؤیوک بیر ماراقلا قارشیلاندیم. "



ایلگیلی‌لی خبرلر