رافادان طایفایا بؤیوک ایلگی

"اوشاقلار اوچون دیل و اؤلکه ایله باغلارینی قوروماسی نقطه‌سین‌ده اؤنملی عامل"

رافادان طایفایا بؤیوک ایلگی

آوروپا گزیسینه چیخان ت‌رت اوشاق کانالینین سئویله‌ن جیزگی فیلملرین‌دن رافادان طایفا اکیبینین تاتر گؤستریسی، اتریشین باشکندی وینده بؤیوک ماراقلا قارشیلاندی.

یورددیشی تورکلر و قوهوم توپلولوقلار باشقانلیغینین (یتب) و ت‌رت‌نین اورتا دۆزنله‌دیگی گؤستری، ووندر درنگینین کنفرانس سالونون‌دا ۴ آیری سئانس اولاراق حیاتا گئچیریلدی.

وینده مینلرجه تورک اوشاغی، رافادان طایفانین سئویله‌ن قهرمانلاری آخین، خیری، مرت، کامیل، سئویم‌ و هاله‌نی هیجانلا ایزله‌دی.

گؤسترینی ایزله‌یه‌ن اوشاقلارا ت‌رت اوشاق درگیسی، قاراگؤز-حاجیوات قولچاغی و رافادان طایفا قهر‌مانلارینین شکیللرینین چاپ اولدوغو پارچا چانتالار ایچین‌ده مختلیف هدیه‌لر وئریلدی.

اؤته یاندان، یورددیشی تورکلر و قوهوم توپلولوقلار باشقانلیغی یورددیشی وطنداشلار دایره‌سی آلمانیا، اتریش و سوئیس مودورو مصطفی آرسلان، رافادان طایفا اکیبینین آوروپا گزی‌سی چرچیوه‌سین‌ده تخمیناً ۸۰ مین اوشاقلا گؤروشدویونو قید ائتدی.

مصطفی آرسلان، رافادان طایفانین بیر جیزگی فیلم گؤستریسی اولماقلا یاناشی تورکجه‌نین و میللی دیرلرین اؤیرنیلمه‌سی باخیمین‌دان اؤنم‌لی رول اوینادیغینی قید ائد‌رک،

"اوشاقلاریمیز بو جیزگی فیلمین بوتون ماهنیلارینی ازبر بیلیرلر. اؤزللیکله آوروپادا یاشایان وطنداشلاریمیزین اوشاقلاری اوچون دیل و اؤلکه ایله باغلارینی قوروماسی نقطه‌سین‌ده اؤنملی عامل اولدوغونو مشاهده ائتدیک" دئدی.

وینده گئچیریله‌ن گؤستریلرله ائتکینلیگین، آوروپا گزی‌سینین سونا چاتدیغینی دیله گتیر‌ن مصطفی آرسلان، باش‌دا اوشاقلار اولماقلا سیویل توپلوم قورولوشلاری و بیر چوخ درنگین گؤستریلرین تکرارلانماسینی طلب‌ ائتدیگینی سؤزلرینه علاوه ائتدی.



ایلگیلی‌لی خبرلر