قانونی سلطان سلیمان پورتره‌سی ساتیلدی

ایتالیالی ر‌سام جنتیله بلینی‌نین بیر تعقیبچیسینین چکدیگی دوشونوله‌ن قانونی سلطان سلیمان پورتره‌سی ۵ میلیون ۳۲۳ مین ۵۰۰ استرلینگه ساتیلدی.

لندن مرکزلی مزاینده ائوی ساتبیز "ایسلام دونیاسینین صنعتلری" آدلی کلکسیونو دونن ساتیشا سوندو.

ساتبیزدن وئریله‌ن آچیقلامادا، مزایده چرچیوه‌سین‌ده ساتیشا سونولان ۳۱۱ پارچا آراسین‌دا ایتالیالی ر‌سام جنتیله بلینی تعقیبچیلرین‌دن بیرینین چکدیگی دوشونوله‌ن قانونی سلطان سلیمان پورتره‌سینین ۵ میلیون ۳۲۳ مین ۵۰۰ استرلینگ قارشیلیغین‌دا ساتیلدیغی بیلدیریلدی.

پادشاهین تاختا چیخدیغی ۱۵۲۰.جی ایلی دولاییندا ونیزده، عثمانلی سارایینا گیریب چیخان باتیلی دیپلوماتلارین ایزلنیملرینه دایاناراق چکیلدیگی تخمین ائدیله‌ن پورتره‌یه، مزایده اؤنجه‌سین‌ده ۲۵۰ مین ایله ۳۵۰ استرلینگ قیمت وئریلیردی.

مزایده ایله باغلی داها اؤنجه بیلگی وئره‌ن ساتبیز اورتا دوغو و ایسلام صنعتی متخصصی آلکساندرا روی، قانونی سلطان سلیمان پورتره‌سینین ان دیرلی ایکی اثردن بیری اولدوغونو سؤیلمیشدی.