آراکان مئدیا تعلیم پروگرامی باشلادی
مئدیا ساحه‌سین‌ده تجروبه‌لی متخصصلرله کئچیریله‌جک تعلیم پروگرامی آنکارا و ایستانبول‌دا ۱۵ گون داوام ائد‌جک
خاریج تورکلر و قوهوم توپلولوقلار باشقانلیغی (ی.ت.ب) ایله تورکییه رادیو تلویزیون قورومو (ت‌رت) ایش بیرلیین‌ده کئچیریله‌ن و ۱۵ گون داوام ائد‌جک اولان "آراکانلی مئدیا تعلیم پروگرامی"نین آچیلیشی بو گون باشکند آنکارادا کئچیریلدی.
مئدیا و مولکی توپلوم آلانیندا تجروبه‌لی شخصلرین دعوت ائدیلدیگی تدبیرده ۱۲ موختلیف اؤلکه‌دن ۲۰ آراکانلی ایشتیراک ائتدی.
مئدیا ساحه‌سین‌ده تجروبه‌لی متخصصلرله کئچیریله‌جک تعلیم پروگرامی آنکارا و ایستانبول‌دا ۱۵ گون داوام ائد‌جک.
ایشتیراک‌چیلار پروگرام چرچیوه‌سین‌ده ایلگی‌لی قامو قورولوشلارینی دا گزمک ایمکانی تاپاجاق.
پروگرام‌دا حیاتا گئچیردیگی چیخیشین‌دا سون ایللرده میانماردا یاشایان مسلمانلارین یاشادیغی حاللارا دقت چکن ی.ت.ب باشقانی عبدالله ارن،
"میانمارین ۵۰ میلیون اهالی‌سی وار. بونون ۱ میلیونا یاخینی آراکان مسلمانی و تأسف کی، میانماردا وطنداش‌لیق حقوقلاری داخیل اولماقلا ان اساس اینسانی حاقلارین‌دان محروملار. بو مسئله‌نین اولوسلارآراسی تشکیلاتلار و مئدیا نزدینده ایفاده ائدیلمه‌سی و سسلندیریلمه‌سی لازیم‌دیر. بیز قوروم اولاراق نه ائده بیلریک دئیه دوشوندوگوموزده؛ آراکان دیاسپوراسی وار. بیر قیسمی آوروپا اؤلکه‌لرین‌ده اولماق اوزره بنگلادش، پاکیستان، سعودی عربیستان و سودان‌دا میانمارین دیشیندا یاشایان آراکانلی چوخ ساییدا مسلمان‌دان عبارت‌دیر. بیز بورالارداکی، مئدیا منسوبلارین‌دان، عادی مئدیا و دیجیتال مئدیادا فعالیت گؤستره‌ن سیویل توپلوم قورولوشلاریندا فعالیت گؤستره‌ن آراکانلی مسلمانلاردان؛ بوتؤولوک‌ده ۱۲ فرق‌لی اؤلکه‌دن ۲۰ مئدیا نماینده‌سینی مئدیا تعلیمی آلماق اوچون بورایا گتیردیک" شکلین‌ده دانیشدی.
