۹ عصرلیک ائم قابی تاپیلدی
تورپاق‌دان یاپیلما و اوزرین‌ده بوگون طبین سمبولو اولان بیر بیرینه دولانمیش ایکی ایلانین اولدوغو درمان قابی اورتایا چیخاریلدی
دونیانین ان اسکی یاشاییش یئرلرین‌دن شانلی اورفانین حران بؤلگه‌سین‌ده ائدیلن قازینتیلاردا، اورتا چاغدان قالما ۹ عصرلیک تورپاق‌دان دوزلدیلمیش درمان قابی تاپیلدی.
بیرلشمیش میلتلر تحصیل، بیلیم و مدنیت تشکیلاتی (یونسکو) دونیا میراث گئچیجی لیسته‌سین‌ده اولان، حران قازینتی ساحه‌سین‌ده، اورتا چاغ دؤورون‌دن قالما، ۹ عصرلیک، تورپاق‌دان یاپیلما و اوزرین‌ده بوگون طبین سمبولو اولان بیر بیرینه دولانمیش ایکی ایلانین اولدوغو ائم(درمان) قابی اورتایا چیخاریلدی.
حران اونیورسیته‌سی آرکئولوژی بؤلومو و حران قازینتی ساحه‌سی باشقانی پروفسور دکتر محمد اؤنال، آنتیک تاپینتیلارا گؤره، حرانین، تاریخ بویونجا اؤنملی بیر طب مرکزی اولاراق قبول ائدیلدیگینه دقت چکه‌رک، اؤتن ایل مین ایللیک میسک‌چی(عطرچی) دوکانی تاپیلان بؤلگه‌ده، بو ایل ده طب بیلیمینی ماراقلاندیران چوخ اؤنملی بیر تاپینتییا راستلادیقلارینی قید ائتدی.
اؤنال، قازینتیلاردا اورتا عصر دؤنمیندن قالما ۹ عصرلیک بیر درمان قابی چیخاریلدیغینی ایفاده ائد‌رک،
"شوشه‌نین تاپیلدیغی طبقه، میلاددان سونرا ۱۲.جی عصره عایددیر. او دا زنگیلر دؤورونه راست گلیر. بورادا درمان اورتیلدیگی و بو شوشه‌لره قویولاراق اورادان ساتیلدیغی نتیجه‌سینه چاتدیق. هم اعمالاتخاناسی هم ده ساتیش یئری اولماسی باخیمین‌دان اولدوقجا اؤنملی‌دیر" دئیه دانیشدی.
۹ عصرلیک درمان قابی، گؤبکلی تپه‌دن چیخاریلان اثرلرین ده یئر آلدیغی، "تورکیه‌نین ان بؤیوک موزه‌سی" آدینا صاحب شانلی اورفا موزه مجتمعین‌ده سرگیلنمه‌یه حاضیرلانیر.
جمهورباشقانی رجب طیب اردوغان طرفین‌دن بالیقلی گؤل یئرلشکه‌سی یانین‌داکی ۲۰۰ هکتار ساحه‌ده ۲۰۱۵ده آچیلان موزه‌ده ۷۰ مین‌دن آرتیق اثر وار.