کۆلتور پورتالینا بؤیوک ایلگی
پورتالدا، تورک دیلی و ادبیاتیندان خالق کۆلتورونه، تورک سۆسلهمه صنعتلریندن آرکئولوژیک میراثا قدر مختلیف ساحهلرده معلوماتلار یئر آلیر
یئرلی و خاریجی توریستلره کۆلتور، توریزم و صنعت حاقیندا گوونلی معلومات تامین ائدیلمهسی مقصدیله اولوشدورولان تورکیه کۆلتور پورتالی، اؤتن ایل ۴ میلیون ۶۱۸ مین ۴۵۶ نفر طرفیندن ایزلندی.
کۆلتور و توریزم باخانلیغی طرفیندن حاضیرلانان "www.kulturportali.gov.tr" آدرسیندن باخیلابیلن تورکیه کۆلتور پورتالیندا، تورک دیلی و ادبیاتیندان خالق کۆلتورونه، تورک سۆسلهمه صنعتلریندن آرکئولوژیک میراثا، جغرافی ایشارهلی محصوللاردان گلهنکسل مطبخه قدر مختلیف ساحهلرده معلوماتلار یئر آلیر.
پورتال، تورک کۆلتور، توریزم و صنعتی قونوسوندا گوونلی معلومات الده ائدیلمهسی مقصدی ایله ۲۰۱۵ده اولوشدورولدو.
تورکیهنین بوتون ائللرینه عاید معلوماتلارین یئر آلدیغی پورتالا داخیل اولان یئرلی و خاریجی ایلگیلننلر، گؤرولهجک یئرلر، قوناقلاناجاق هتللر، دادیلاجاق لذتلر، توریزم فعالیتلری و سیاحت خاطرهسی محصوللارا دایر آیرینتیلی معلومات آلابیلیر.
ادیتورلار طرفیندن قلمه آلینان توصیهلرین اولدوغو پورتالدا، اؤنملی کۆلتور صنعت تدبیرلرینه دایر آیرینتیلار دا یئر آلیر.
اجرتسیز وئب سایت آمار آنالیز خیدمتی گوگل آنالیتیکس معلوماتلارینا گؤره، پورتالین ۲۰۱۷ده ۱ میلیون ۸۸۱ مین ۴۲۲ اولان تعقیبچی و ۲ میلیون ۹۱۲ مین ۴۸۶ اولان گؤرونتولنن صحیفه ساییلاری، اؤتن ایل چوخ چوخ آرتدی.
پورتالین گزن ساییسی، گئچهن ایل یوزده ۱۴۵ آرتیشلا ۴ میلیون ۶۱۸ مین ۴۵۶ اولدو. گیریلن صحیفه ساییسی ایسه گئچهن ایل بیر اؤنجهکی ایله گؤره یوزده ۱۲۸ آرتاراق ۶ میلیون ۶۶۸ مین ۳۵۶یا چاتدی.
عینی بیلگیلره گؤره، ائل صحیفهلری ایسه اؤتن ایل ۳ میلیون ۷۳۲ مین ۵۷۱ دفعه گؤرولدو.
ان چوخ باخیلان ایلک ۵ ائل سیراسیلا بورسا، مرسین، غازی آنتئپ، قوجاائلی و ارزوروم اولدو.