مشهور رپچی امریکا-دا گوز آلتینا آلیندی

"گرمی" موکافاتی نامیزدی رپچی "21 Savage" ویزا مودتی بیتدیگی اوچون امریکادا ساخلانیلدی.

امریکا کوچمنلیک و گؤمروک محافظه بوروسونون (ICE) سؤزچوسو برایان کوکس "21 Savage" صحنه تخلصوندن  ایستیفاده ائدن اینگیلتره وطنداشی، رپچی شا یا بن آبراهام- جوزف ین آتلانتا شهرینده کئچیریلن عملیاتدا نظارته گؤتورولدوگونو بیلدیردی.

رپچی‌نین ویزا مودتی‌نین باشا چاتدیغینی قئید ائدن کوکس 2005-جی ایلده اؤلکه‌یه قانونی یول‌لارلا گیرن آبراهام-جوزف‌ین 2014-جو ایلده اویوشدوروجو سوچوندان موحاکیمه اولدوغونو دا قئید ائتدی.

آبراهام-جوزف امریکان رپ موسیقی صنعتچیسی Post Malone  ایله یازدیردیق‌لاری "Rockstar"  آدلی single ایله گلن هفته کئچیریله‌جک 61-جی "گرمی" موکافاتیندا "ایلین آلبومو" و "ایلین رپی" کاتقوری‌لرینده نامیزد اولموشدو.