توریست رکوردو قیریلدی
تورکیهیه ان چوخ توریست، ۲۰۱۸ده روسیادان گلدی
تورکیهیه ۲۰۱۸ده گلن توریست ساییسی، خاریجده یاشایان وطنداشلارلا بیرلیکده ۴۶ میلیون ۱۱۲ مین ۵۹۲ اولدو.
مدنیت و توریزم باخانلیغیندان وئریلهن معلوماتا گؤره تورکیه، ۲۰۱۸ ایلده بیر اؤنجهکی ایله گؤره یوزده ۲۱،۸۴ آرتیشلا ۳۹ میلیون ۴۸۸ مین ۴۰۱ خارجی قوناق آغیرلادی.
خاریجده یاشایان ۶ میلیون ۶۲۴ مین ۱۹۱ وطنداشین دا داخیل اولدوغو رقملرله بیرلیکده تورکیهیه گلن توپلام قوناق ساییسی ۴۶ میلیون ۱۱۲ مین ۵۹۲یه چاتدی.
باخانلیق بیلگیلرینه گؤره، تورکیهیه ان چوخ توریست، ۲۰۱۸ده بیر اؤنجهکی ایله گؤره یوزده ۲۶،۴۹ آرتیشلا و ۵ میلیون ۹۶۴ مین ۶۱۳ نفر ایله روسیادان گلدی.
بو اؤلکهنی یوزده ۲۵،۸۸ آرتیش و ۴ میلیون ۵۱۲ مین ۳۶۰ قوناق ایله آلمانیا، یوزده ۲۸،۸۲ آرتیش و ۲ میلیون ۳۸۶ مین ۸۵۵ قوناق ایله بولقاریستان ایزلهدی.
بولقاریستانی بؤیوک بریتانیا و گورجوستان تعقیب ائتدی.
باخانلیغین دسامبر آیی سرحد گیریش-چیخیش رقملرینه گؤره، تورکیهیه گئچهن دسامبر آییندا سفر ائدن خاریجی ساییسی اؤنجهکی ایلین عینی دؤورو ایله مقایسهده یوزده ۱۴،۴۹ آرتدی و ۱ میلیون ۹۵۰ مین ۷۰۵ خارجی قوناق آغیرلاندی.
تورکیهیه دسامبر ۲۰۱۸ده ان چوخ قوناق گؤندرهن اؤلکهلر سیراسییلا بولقاریستان، آلمانیا، گورجوستان، ایران و روسیا اولدو.