باکی‌دا فستیوال

تورکیه‌نین باکی‌داکی ائلچیلیگی مدنیت و تانیتما مشاورلیگی ده فستیوال‌دا تورک قهوه‌سینی تانیتدی

1123952
باکی‌دا فستیوال

آذربایجانین باشکندی باکی‌دا تشکیل اولونان "قهوه و چای فستیوالی"ندا تورک قهوه‌سی تانیدیلدی.

قهوه اختصاص بیرلیگی آذربایجان نماینده‌لیگی طرفین‌دن تشکیل ائدیله‌ن فستیوال‌دا تخمیناً ۳۰ شیرکت اورتدیکلری و یا بازارلادیقلاری قهوه و چای محصوللارینی باکی‌دا سوندو.

تورکیه‌نین باکی‌داکی ائلچیلیگی مدنیت و تانیتما مشاورلیگی ده فستیوال‌دا تورک قهوه‌سینی تانیتدی.

قاتیلیم‌چیلارین بؤیوک ماراق گؤستردیگی تورکیه غرفه‌سین‌ده تورک قهوه‌سی ایله یاناشی، سحلب و مختلیف دادلیلار/شیرنیلر ده سونولدو.

دعوت‌لیلره آیریجا تورکیه‌نین توریزم بؤلگه‌لری حاقین‌دا کیتاب و بروشورلار پایلانیلدی.

تورکیه‌نین باکی‌داکی ائلچیلیگی مدنیت و تانیتما مشاویری عرفان چیفتچی مطبوعات نماینده‌لرینه وئردیگی آچیقلامادا، ۵۰۰ ایللیک تاریخه صاحب قهوه‌نین دونیادا ایلک اؤنجه تورک قهوه‌سی کیمی تانیندیغینی دئدی.

قهوه‌نین، اطرافین‌دا گئنیش بیر حیات مدنیتی یارادان ایچه‌جک اولدوغونو ایفاده ائد‌ن چیفتچی، آوروپانین قهوه‌نین اؤنمینی تورکیه‌دن ۳۰۰ ایل سونرا فرق ائتدیگینی بیلدیردی.

تورک قهوه‌سینین تورک حیاتی و مدنیتین‌ده بؤیوک اؤنمه صاحب اولدوغونو وورغولایان چیفتچی،

"قهوه، تورکلرله بوتونلشمیش بیر ایچه‌جک‌دیر. ۵۰۰ ایللیک چوخ بؤیوک بیر مدنیت. قهوه، تورک توریزمین‌ده ده چوخ اؤنم‌لی. اؤلکه‌میزی قهوه‌نین آنا وطنی اولاراق سونوروق" ایفاده‌لرینی ایشلتدی.

قهوه و چای محصوللارینین سرگیلندیگی و باریستالار(الکل‌لو والکل‌سوز ایچه‌جک‌لری سرویس ائدن شخص) آراسین‌دا یاریشمالارین گئچیریلدیگی فستیوال ۳ گون داوام ائد‌جک.



ایلگیلی‌لی خبرلر