تورکیه‌یه طلب آرتاجاق
"سئچکین محصوللار، خیدمتلر سونولاماسی و تورکلرین قوناق سئورلیگی"
آلمانیا مرکزلی دونیانین ان بؤیوک توریزم شیرکتلرین‌دن تی‌یو‌‌آی‌ین آلمانیا اوست یؤنتیجیسی مارک آندریزاک تورکیه‌نین آلمان تعطیل بازارین‌دا ان چوخ طلب ائدیله‌ن اؤلکه‌لر آراسین‌دا یئر آلدیغینی بیلدیردی.
تورکیه‌یه آلمان توریستلرین ماراغینین آرتاجاغینی وورغولایان آندریزاک،
"بو ایل آرتان رزرواسیون رقملرینی گؤردوک. تورکیه، ایلک ۱۰داکی ان چوخ سئویلن سیاحت هدفلری ایچین‌ده اوچونجو اولدو. بونا گؤره، ۲۰۱۹دا تورکیه‌یه قارشی گؤزلنتیلریمیز یوکسک، سیفاریشلرین گلن ایل آرتماغا داوام ائدجیینی گؤزلییریک" دئیه دانیشدی.
آندریزاک، تورکیه‌نین توریزم اؤلکه‌سی اولاراق، آلمان توریستلرین تقدیرینی قازانیب، کیفیت، خیدمت و قیمت‌ده اؤنم‌لی یئره صاحب اولدوغونو وورغولادی.
آلمان توریزم سئکتورو صلاحیت‌لیلری، تورکیه‌نین آلمان تعطیل بازارین‌دا ان چوخ طلب ائدیله‌ن اؤلکه‌لر آراسین‌دا یئر آلماسینین سببی اولاراق "سئچکین محصوللار، خیدمتلر سونولاماسی و تورکلرین قوناق سئورلیگینی" گؤستردی.
تورکیه‌یه تعطیله گلن آلمان توریست ساییسی بو ایلین ژانویه-نوامبر دؤورون‌ده اؤتن ایلین عینی دؤورونه نیسبتا تخمیناً یوزده ۲۵،۵۶ آرتاراق، ۴ میلیون ۳۳۴ مین ۶۷ نفر اولدو.
آلمانیا، روسیادان سونرا تورکیه‌یه ان چوخ توریست گؤندره‌ن اؤلکه قونوموندادیر.
آیریجا، جمهورباشقانی رجب طیب اردوغانین سپتامبر آییندا برلینه ائتدیگی سفرله یوکسه‌له‌ن تورکیه-آلمانیا اقتصادی ایلیشکیلرینین بیر اوست لیگه چیخاریلماسینین دا آلمانیادان تورکیه‌یه گله‌جک توریستلرین ساییسینا مثبت قاتقی وئره‌جگی بیلدیریلیر.
