ایران‌دا تورک فیلملری
"تورکجه‌نین ایران‌دا چوخ بیلینن بیر دیل اولماسی سببی ایله فیلملر تورکجه اولاراق وئریلدی"
ایرانین باشکندی تهران‌دا "تورک فیلملری هفته‌سی" ائتکینلیکلری چرچیوه‌سین‌ده گؤستریلن تورک فیلملری ایزله‌ییجیلردن ایلگی گؤردو.
تهران یونوس امره انستیتوسو طرفین‌دن تشکیل اولونان و قورومون کنفرانس سالونون‌دا گئچیریله‌ن تدبیرده درویش زاعم‌ین "بالیق"، امین آلپ‌ارین "قوشادما"، تولگا قاراچئلیکین "سارماشیق" و فاروق حاجی‌حافظ‌اوغلونون "قار قولدورلاری" آدلی فیلملری ایران‌لی ایزله‌ییجیلره سونولدو.
انستیتونون مدنیت صنعت مودورو یوسف قورخماز،یونوس امره انستیتوسونون مدنیت باخانلیغینا باغلی اولاراق تخمیناً ۴۵ اؤلکه‌ده ۵۲ مرکزده مد‌نی فعالیت آپاردیغینی دئدی.
قورخماز، بئله بیر تدبیری داها اول ۲۰۱۶.جی ایلده ائتدیکلرینی و گؤستریله‌ن بؤیوک دقته گؤره بو ایل تکرار ائتمه‌یه قرار وئردیکلرینی بیلدیردی،
"ایران‌دا تورک فیلملرینه، تورکیه‌ده ده ایران فیلملرینه رغبت وار. بئله قارشی‌لیق‌لی ماراق ایکی خالقین بیر بیرینه اولان ایلگیسینی ده گوجلندیریر" شکلینده دانیشدی.
تورکجه‌نین ایران‌دا چوخ بیلینن بیر دیل اولماسی سببین‌دن فیلملری تورکجه اولاراق وئردیکلرینی و ایلگیدن اولدوقجا راضی اولدوقلارینی ایفاده ائد‌ن قورخماز، تدبیر چرچیوه‌سین‌ده گؤستریله‌ن "بالیق" فیلمینین ایران‌دا فجر فیلم فستیوالین‌دا دا گؤستریلدیگینی و بؤیوک ماراق گؤردویونو خاطیرلاتدی.
ایلگیلی‌لی خبرلر
تورکیه‌یه ان چوخ قوناق قونشولاریندان گلدی
تورکیه‌یه ژانویه و فوریه آییندا ان چوخ توریست گؤندره‌ن اؤلکه، ۴۳۷ مین ۹۰۵ نفر ایله ایران اولدو
