موسکوادا تورک مدنیتی گونو
روسیاداکی اونیورسیتهلرده بیر چوخ تورکولوگ و تورکولوژی فاکولتهسی اؤیرنجیسی وار
روسیانین پایتاختی موسکوادا "تورک مدنیتی گونو" تدبیری گئچیریلدی.
موسکوا یونوس امره انستیتوسو و روسیا دؤولت انسانی بیلیملر اونیورسیتهسی ایش بیرلیگیله گئچیریلهن تدبیره بیر چوخ دعوتلی قاتیلدی.
اونیورسیتهده تورکولوژی بؤلومونده اوخویان اؤیرنجیلرین تورکیه ایله باغلی سونومو، تورک شعریندن، ماهنیلاریندان، نصرالدین خوجا ظارافاتلاریندان نومونهلرین وئریلدیگی تدبیرده ابرو صنعتی آتلیه چالیشماسی دا ایلگی چکدی.
موسکوا یونوس امره اینستیتوسونون مودورو عمر اؤزکان، چیخیشیندا، روسیاداکی اونیورسیتهلرده بیر چوخ تورکولوگ و تورکولوژی فاکولتهسی اؤیرنجیسی اولدوغونا دقت چکهرک، اونلارلا یاخین ایلیشکی ایچریسینده اولدوقلارینی دیله گتیردی.
تورک مدنیتی گونو تدبیرینین ده بو ایلیشکی دوغرولتوسوندا بیر ایش اولدوغونو قید ائدن عمر اؤزکان،
"دوغروسو تورکیه و تورک مدنیتی ایله باغلی گئچیردییمیز هر بیر تدبیر ایلگی ایله قارشیلانیر. گلن ایل روسیادا تورکیه ایلی و تورکیهده ده روسییا ایلی. بو دوغرولتودا ۲۰۱۹دا داها بیر چوخ تدبیر پلانلاشدیریریق" دئیه دانیشدی.
ایلگیلیلی خبرلر
تورکیهیه ان چوخ قوناق قونشولاریندان گلدی
تورکیهیه ژانویه و فوریه آییندا ان چوخ توریست گؤندرهن اؤلکه، ۴۳۷ مین ۹۰۵ نفر ایله ایران اولدو