ت.ر.ت-نین "سس‌سیز اؤلوم" فیلمی ایتالیادا موکافات قازاندی

ایتالیادا تشکیل ائدیلن "اولوسلار آراسی آراشدیرماچی ژورنالیستیک موکافاتی"نا "سس‌سیز اؤلوم" بلگه سل فیلمیله TRT World  لاییق گؤرولدو.

ت.ر.ت-نین "سس‌سیز اؤلوم" فیلمی ایتالیادا موکافات قازاندی

ایتالیادا تشکیل ائدیلن "اولوسلار آراسی آراشدیرماچی ژورنالیستیک موکافاتی"نا "سس‌سیز اؤلوم" بلگهسل فیلمیله TRT World  لاییق گؤرولدو.

تورکیه رادیو تلویزیون قورومونون (ت.ر.ت) آچیقلاماسیندا بیلدیریلیب کی، TRT World-ون "Off the Grid"  بلگهسل فیلم سریالی اورتا دوغوداکی غیری- اینسانی اورقان تیجارتینی آشکارا چیخاران "سس‌سیز اؤلوم" آدلی حیسه‌سیله دونیانین ان اعتبارلی آراشدیرماچی ژورنالیستیک موکافات‌لاری آراسیندا یئر آلان Documentari Inchieste Giornalismi (DIG)  موکافات‌لاریندا "ان یاخشی آراشدیرما" موکافاتینی قازاندی.

آچیقلامادا بلگه سل فیلم سریالی‌نین سوریه-دن قاچان قاچقین لارین حیاتدا قالماق و اورقان مافیاسی ایله آپاردیغی موباریزنی موضوع گؤتوردوگو دقته چات‌دیریلا‌راق بیلدیریلیب کی، بلگه سل فیلمده عائله‌لرینه بیر تیکه چؤرک آپارماق اومیدیله اورقان‌لارینی ساتان قاچقین لارین یاشادیق‌لاری چتین وضعیت هم ضرر چکن قاچقین لارین هم ده اینسان تاجیرلری‌نین آغزین‌دان شرح ائدیلدی.

بلگه سل فیلم لبنان-دا یاشایان سوریه-لی قاچقین‌لارین ارزاق و سیغینا‌جاق یئر تاپماغین غیری -مومکون حالا گلدیگی بو گون‌لرده حیاتدا قالماق اوچون دییشیک یول‌لارا مراجعت‌لرینی و بعضی اورقان‌لارینی ساتا‌راق یاشاماق اوچون جهد گؤسترمه‌لرینی موضوع گؤتوروب.

عائله‌لرینه ارزاق آپارماق اوچون چاره تاپا بیلمه‌ین ابواحمد و عبدالله ین آدامین قانینی دون‌دوران حکایه‌لری موصاحیبه و چوخ خصوصی کادرلارلا ائکرانا چیخاریلارکن، اورقان تیجارتینه نئجه داخیل اولدوق‌لاری، مقابیلینده وعد ائدیلن پولو بئله آلا بیلمه‌دیک‌لری و یاشادیق‌لاری ساغلیق پروبلئم‌لری دهشت‌لی دئتال‌لاری ایله نوماییش ائتدیریلیر. بلگه سل فیلمده همچنین، بو غیری -قانونی عملیات‌لارا شاهید اولموش بیر آسیستان جراحین آدامین قانینی دون‌دوران موصاحیبه‌سی ده ائکرانا چیخاریلیر.

آچیقلامادا ت.ر.ت-نین باش مودیری ابراهیم ارن‌ین بو سؤزلری ده اؤز یئرینی توتوب: " ت.ر.ت اولا‌راق اینسان‌لاری حاضیرلادیغیمیز خبرلرین مرکزینده یئرلش‌دیره‌رک سس‌سیزلرین سسی اولماقدا داوام ائدیریک. اورقان تیجارتینی لبنان-دا شاهیدلریله گؤستره‌رک دونیانین دقتینی بو تیجارته چکن "سس‌سیز اؤلوم" بلگه سل فیلمیمیزی موکافاتا لاییق گؤردوگو و سوریه-لی لرین بیتمه‌ین کدرلرینی گوندمه چیخاردیغی اوچون مونسیف‌لر هئیتینه خصوصیله تشککور ائدیرم. ت.ر.ت عائله‌سی اولا‌راق خصوصیله سون دؤورده لاییق گؤرولدوگوموز موکافات‌لارا گؤره خوشبختیک، قازانیلان موکافات‌لارا گؤره امکداش‌لاریما بیر داها قلبن تشککور ائدیرم."



ایلگیلی‌لی خبرلر