کن فیلم فستیوالیندا قیزیل پالما موکافاتینی، ژاپون یؤنتمن هیروکازو کورئیدا قازاندی

فرانسانین کن شهرینده 9 می‌ده باشلایان فستیوالین باغلانیش پروقرامی و موکافات مراسیمی فستیوال ساراییندا کئچیریلیب

974985
کن فیلم فستیوالیندا قیزیل پالما موکافاتینی، ژاپون یؤنتمن هیروکازو کورئیدا قازاندی

71ینجی‌سی کئچیریلن  کن فیلم فستیوالیندا قیزیل پالما موکافاتینی، ژاپون یؤنتمن هیروکازو کورئیدا-نین یؤنتدیگی " Manbiki Kazoku " (بیر عائله ایشی) آدلی فیلم قازاندی.

فرانسانین کن شهرینده 9 می‌ده باشلایان فستیوالین باغلانیش پروقرامی و موکافات مراسیمی فستیوال ساراییندا کئچیریلیب.

ان یاخشی فیلمه وئریلن "قیزیل پالما" موکافاتینا ژاپون یؤنتمن هیروکازو کوره-ادانین یؤنتدیگی " Manbiki Kazoku " (بیر عائله ایشی) فیلمی لاییق گؤرولوب.

فستیوالدا، ان یاخشی قادین اویونچو موکافاتی، قازاخ یؤنتمن سئرگئی دوورتسئووی-ون یؤنتدیگی" Ayka" فیلمین‌دکی رولویلا سامال یئسلیامووایا وئریلرکن، ان یاخشی کیشی آکتور موکافاتی‌نین صاحبی " Dogman " فیلمین‌دکی رولو ایله ایتالیان آکتور مارسللو فونت اولدو.

موکافات مراسیمینده صحنه‌یه چیخان ایتالیا‌لی آکتور آسیا آرژنتو، 1997-جی ایلده آمریکا‌لی یاپیمچی Harvey Weinstein طرفین‌دن فستیوال زامانی تجاووزه معروض قالدیغینی سؤیله‌یه‌رک،

"آرانیزدا قادین‌لارا قارشی یاراشیق‌سیز عمل‌لر گؤرموش اولان‌لار وار و کیم‌لر اولدوغونو بیلیریک. بونون جزا‌سیز قالماسینا یول وئرمیجگیک." دئیه دانیشدی.

ژوری اؤزل موکافاتینا لاییق گؤرولن لبنان‌لی یؤنتمن Nadine Labaki، موکافاتینی فیلمین چکیلیش‌لری زامانی قارشیلاشدیغی کوچه اوشاق‌لارینا و قاچقین‌لارا هدیه ائتدیگینی دئییب.

Nadine Labaki، چیخیشیندا چتین شرط‌لرده یاشایان کؤچکون‌لره ده توخونوب.

مراسیمین سونوندا حاکم‌لر عضو‌لری و موکافاتا لاییق گؤرولن‌لر، آپاریجی فرانسیز آکتور Edouard Baer طرفین‌دن فستیوال سارایی‌نین گیریشینده قورولان صحنه‌یه دعوت ائدیلیب.

موغننی‌لر Sting  و Shaggy بورادااؤزل سون کونسرتی وئریب.

فستیوالدا بو ایل تورکیه‌دن نوری بیلگه جیلانین رهبرلیک ائتدیگی " Ahlat Ağacı" آدلی فیلم ده باش حیسه‌ده یاریشدی.

ائکرانی جومه گونو کئچیریلن، اوزون مدت آیاقدا آلقیش‌لانان " Ahlat Ağacı"، سینما تنقیدچی‌لرین‌دن تعریف آلدی.

71-جی اولا‌راق کن فیلم فستیوالیندا موکافات‌لارین بؤلوشدورولمه‌سی بئله اولدو:

قیزیل پالما،( Hirokazu Kore-eda, Manbiki Kazoku)

بؤیوک موکافات،( Spike Lee, Blackkklansman)

قیزیل کامرا،( Lucas Dhont, Girl)

ان یاخشی یؤنتمن، (Cold War)-Pawel Pawlikowski

ان یاخشی کیشی آکتور، (Marcello Fonte, (Dogman

ان یاخشی قادین اویونچو، (Samal Yeslyamova, (Ayka

ژوری خصوصی موکافاتی،  (Nadine Labaki, (Capharnaüm

ان یاخشی سناریو، (لازارو کیمی موتلو) Alice Rohrwacher  و  (اوچ اوز) Nader Saeivar

ان یاخشی قیسا فیلم،( Charles Williams, (All These Creatures.



ایلگیلی‌لی خبرلر