اوسکار اؤدولو اوغورلاندی
"ان یاخشی قادین اویونچو" اوسکارینی قازانان فرانسیس مکدورمندین اؤدولو اوغورلاندی
"ان یاخشی قادین اویونچو" اوسکاری اوغورلاندی.
آمریکانین لوس-آنجلس ایالتینده گرچکلشن ۹۰.جی آکادمی اؤدول تؤرنینده "ان یاخشی قادین اویونچو" اوسکارینی قازانان فرانسیس مکدورمندین اؤدولو اوغورلاندی.
مراسیمدن سونرا دوزنلنن قوتلاما پارتیسینه قاتیلان و آدی تری بریانت اولاراق آچیقلانان شبههلینین، مکدورمندین اوسکاری ایله بیرلیکده ویدئو چکیب پایلاشدیغی گؤرولدو.
قوتلامانین گئچیریلدیگی رستوراندا ایشلدیگی بیلدیریلن بریانتین، اوسکار هیکلی ایله بیرلیکده مکاندان آیریلماق ایستدیگینی گؤرهن آنتونیو دیاز آدلی فوتوقرافچی، دورومو گوونلیک گؤرهولیلرینه بیلدیردی.
شبههلی، اوغورلوق گیریشیمی سببیله گؤزآلتینا آلیندی و مکدورمنده اؤدولو گئری وئریلدی.
امجیامین باش صنعت مودورو سدریک گیبونس طرفیندن بیر فیلم حلقهسی اوزرینده الینده قیلینج داشییان بیر شووالیه اولاراق حاضرلانان اوسکار هیکلجیگی، ۱۹۵۰.جی ایلدن بو یانا، قارا مرمردن یونولاراق ۳۴ سانتیمتر یوکسکلیگینده، ۳،۸۰۰ کیلو آغیرلیغیندا و ۲۴ عیار قیزیل اؤزتولو اولاراق اورتیلیر.
متخصصلر، اوسکار هیکلجیگینین حقیقی دگرینین ۳۳۰ دلار اولدوغونو بیلدیریر.
آکادمی طرفیندن ساتیشی قاداغان اولونان اوسکار، اویونچولارین ساتماق ایستهمهسی حالیندا ایسه ۱ دلارا گئری آلینیر.