ت.ر.ت-نین اولوسلار آراسی مئدیا تحصیل پروگرامی باشلادی
تورکیه رادیو تلویزیون قورومو (ت.ر.ت) طرفیندن بو ایل 5-جی دفعه کئچیریلن اولوسلار آراسی مئدیا تحصیل پروگرامی (UMEP) 70 اؤلکهدن 162 مئدیا نماینده سینین قاتیلیمی ایله باشلادی.
تورکیه رادیو تلویزیون قورومو (ت.ر.ت) طرفیندن بو ایل 5-جی دفعه کئچیریلن اولوسلار آراسی مئدیا تحصیل پروگرامی (UMEP) 70 اؤلکهدن 162 مئدیا نماینده سینین قاتیلیمی ایله باشلادی.
ترت-نین تورکیهنین یاییمچیلیق تجروبهسینی دونیا ایله بؤلوشمک مقصدیله آنتالیادا کئچیردیگی آچیلیش مراسیمینه ت.ر.ت-نین باش مودیرینین معاوینی ارکان دوردو، آنادولو خبر آژانسینین باش مودیر معاوینی مصطفی اؤزکایا، آنتالیا ژورنالیستلر جمعیتینین صدری مؤلود یئنی و فرقلی مئدیا قوروموندان نمایندهلر قاتیلدیلار.
تلویزیون و رادیو یاییمچیلیغی، خبر پروگراملاری و یئنی مئدیا ساحهسینه عاید تعلیملرین، فروملارین، سویلهشیلرین و بولگه سل فیلملرین نوماییش اولوناجاغی پروگرامدا، تورک جمهوریتلری، آسیا، آوروپا، افریقا، لاتین امریکا اؤلکهلری و قافقازدان گلن دؤولت و اؤزل مئدیا ایشچیلری یئر آلدی.
ترت-نین تجروبهلی متخصص هئیتی ایله یاناشی، موختلیف اؤزل سکتور امکداشلارینین و مئدیا پروفسیونللرینین قاتیلدیغی پروگرام تورکیه خاریجی ایشلر، مدنیت و توریزم ناظرلیکلری، تورک امکداشلیق و کووردیناسیون آژانسی، آنادولو خبر آژانسی، تورکیه مطبوعات،یاییم و اینفورماسیون باش ایدارهسینین دستکی ایله حیاتا کئچیریلیر.
ت.ر.ت باش مودیرینین معاوینی ارکان دورو آچیلیش مراسیمینده چیخیش ائدهرک بو پروقرامدا اورتاق دیرلر اطرافیندا فورمالاشان یئنی یاییمچیلیق ویزیونونون اساسلارینین آتیلماسینی آرزولادی.
دوردو:"تورکیه سون ایللرده اینسانلیغین گلجگی نامینه بولگه سل و گلوبال سویهده بیر چوخ فایدالی تشببوسلر حیاتا کئچیریب و کئچیرمهیه داوام ائدیر" دئدی.
ترت باش مودیرینین معاوینی تورکیهنین مظلوم خالقلارین سسینی دونیا ایجتیمایتینه چاتدیردیغینی، اونلارا دوست الینی اوزاتدیغینی قئید ائتدی، ت.ر.ت-نین ده بو پروسئسده سرحدلری آشاراق یاییمچیلیق تکنولوژی سینه یئنی بیر یاناشما تکلیف ائتدیگینی بیلدیردی.
مراسیمده آچیلیش نطقلریندن سونرا بولگه سل فیلم نوماییش اولوندو.
اولوسلار آراسی مئدیا تحصیل پروگرامی دسامبرین 14-ده باشا چاتاجاق.