تویک توریزم راپورونو آچیقلادی

تورکیه‌ده اؤلکه ایچی سیاحت‌لرده بو ایل اؤنملی آرتیم قئیده آلیندی.

تورکیه ایستاتیستیک ایداره‌سی (TÜİK) آوریل-ژوئن آیلاریندا اؤلکه ایچینه عایید اولان توریزم معلوماتینا دایر راپورو آچیقلادی.

همین دؤورده اؤلکه ایچینده سیاحت ائدن‌لرین سایی اوولکی ایلله موقاییسه‌ده 46،7 فایز آرتیب. هر سیاحتدن بیری توریستیک مقصدلی اولوب. ایلین ایکینجی 3 آییندا تورکیه‌ده 17 میلیون 731 مین سیاحت رئاللاشیب.

سیاحت لرین 69 فایزینده، یعنی هر اوچ سیاحتدن ان آز ایکی‌سینده اینسان‌لار قوهوم-اقربا‌لارینا باش چکیب‌لر. گزمک، ایلنجه و تعطیل سیاحت‌لری‌نین نیسبتی ایسه 19 فایز اولوب. سیاحت‌لرین 5،5 فایزی ساغلیق مقصدی ایله حیاتا کئچیریلیب.

همین دؤورده سیاحت ائدن‌لرین خرج‌لری ده بیر اوولکی ایل ایله موقاییسه‌ده 53 فایز آرتیب.