تایتانیک‌ده یازیلان مکتوب ساتیلدی

هولورسون، گمی، قوزئی آتلانتیکده باتما‌دان بیر گون اؤنجه، گئریده بوراخدیغی آناسینا بیر مکتوب قلمه آلدی

833021
تایتانیک‌ده یازیلان مکتوب ساتیلدی

دونیانین ان بؤیوک بخاری‌لی یولچو گمی‌سی اولان تایتانیک گمی‌سی‌نین بؤیوک قضاسیندان بیر گون قاباق یازیلان بیر مکتوب اینگیلتره‌ده آچیق آرتیرمادا 166 مین د‌لارا ساتیلدی.

آمریکا‌لی ایش آدامی اوسکار هولورسون 13 آوریل 1912ده حیات یولداشی ایله بیرلیکده تایتانیک گمی‌سی یولچولاری آراسیندایدی.

هولورسون، گمی، قوزئی آتلانتیکده باتما‌دان بیر گون اؤنجه، گئریده بوراخدیغی آناسینا بیر مکتوب قلمه آلدی.

ایش آدامی‌نین قاباریق بیر کاغیذ اوزرینه یازدیغی، دوزلو سو لکه‌لری ایله بویانان مکتوب "سئوگی‌لی آنام" دئیه باشلاییردی. مکتوبدا تایتانیکی چوخ بؤیوک و سارای هتلی کیمی آنلادان هولورسون، "یئیه‌جک و ایچه‌جک مکمل" دئیه یازدی. "هر شئی یولوندا گئتسه، چرشنبه گونو نیویورکا چاتاجاییق" دئیه‌رک یازی‌سینی باشا چاتدیردی.

مزایده گؤره‌ولی‌سی مکتوبو ساتین آلان شخصی "تاریخین گؤرونتوسل ماده‌لری توپلایان" بیر اینسان کیمی دگرلندیردی.

گمی‌نین باتماسی ایله حیاتینی ایتیرن هولورسونون یازدیغی مکتوب، ایچ جیبین‌دن چیخمیش و عائله‌سینه گؤندریلمیشدی.



ایلگیلی‌لی خبرلر