"رنگ‌لرین قارداش‌لیغی"
باکی‌دا، تورکیه و آذربایجانلی رسام‌لارین اثرلری‌نین یئر آلدیغی "رنگ‌لرین قارداش‌لیغی" سرگی‌سی آچیلدی
آذربایجانین باشکندی باکی‌دا، تورکیه و آذربایجانلی رسام‌لارین اثرلری‌نین یئر آلدیغی "رنگ‌لرین قارداش‌لیغی" سرگی‌سی آچیلدی.
باکی یونوس امره انستیتوسو، تورکیه‌نین باکی‌داکی ائلچیلیگی مدنیت و تانیتیم مشاورلیگی، ایزمیر بالچووا بلدیه‌سی و آذربایجان رسام‌لار بیرلیگی طرفین‌دن تشکیل اولونان سرگی‌نین آچیلیشیندا آذربایجانلی دؤولت مقام‌لری و میلت وکیل‌لری، تورکیه قوروم و قورولوشلاری‌نین نماینده‌لری ایله چوخ ساییدا صنعت‌سئور قاتیلدی.
سرگیده، تورکیه‌لی رسام‌لار بدیر کارایاغمورلار، محمود دورمویش، ریحان آباجی‌اوغلو، فادن سوزان قودسی‌اوغلو، گوندوغدو اوغراش، خدیجه آیدوغان ایله آذربایجانلی رسام‌لار گون‌آی مهدی‌زاده، صغرا باقیرزاده، عادیله افندی، علی‌عسگر کاظیموو، روفار عسگروو، آزر ایسلام، ائلمار آغامیرزا، مهریبان مهدی‌زاده و فاطما مؤولامووانین اثرلری یئر آلدی.
باکی یونوس امره انستیتوسونون مودورو ابراهیم ییلدیریم مطبوعات نماینده‌لرینه وئردیگی آچیقلامادا، تورکیه ایله عینی مدنیت‌دن یسله‌نن قارداش اؤلکه آذربایجاندا مشترک مؤوضوعلار اوزرینه پروژه‌لر حیاتا گکئچیردیک‌لرینی سؤیله‌دی.
بو چرچیوه‌ده آذربایجانلی و تورکیه‌لی رسام‌لاری بیر آرایا گتیردیک‌لرینی بیلدیرن ییلدیریم، تخمینا 40 رسمی صنعت‌سئورلره سوندوقلارینی قئید ائتدی.
آذربایجان مدنیت و توریزم باخانلیغی‌نین موزه مرکزینده تشکیل اولونان سرگی‌نین آچیلیشین‌دان اول تورکیه اوپرا آرتیستی اویا ارگون کونسرت وئردی.
سرگی، 21 اکتبرا قدر آچیق اولا‌جاق.
ایلگیلی‌لی خبرلر
تورکیه‌یه ان چوخ قوناق قونشولاریندان گلدی
تورکیه‌یه ژانویه و فوریه آییندا ان چوخ توریست گؤندره‌ن اؤلکه، ۴۳۷ مین ۹۰۵ نفر ایله ایران اولدو
