ایستانبول گنج‌لیک فستیوالی باشلادی
سنتی ایدمان نؤع لری‌نین یاشادیلماسی مقصدیله دونیا ائتنوسپور کنفدراسیونو طرفین‌دن ایکینجی دفعه تشکیل اولونان ائتنوسپور مدنیت فستیوالی ایله ایستانبول گنج‌لیک فستیوا‌لی‌نین تقدیماتی اولدو.
بو گون یئنی‌قاپی میدانی، ایستانبول گنج‌لیک فستوالینا صحنه اولا‌جاق.
سنتی ایدمان نؤع لری‌نین یاشادیلماسی مقصدیله دونیا ائتنوسپور کنفدراسیونو طرفین‌دن ایکینجی دفعه تشکیل اولونان ائتنوسپور مدنیت فستیوالی ایله ایستانبول گنج‌لیک فستیوا‌لی‌نین تقدیماتی اولدو.
یئنی‌قاپی مئیدانیندا دونن باشلایان و می‌ین 7-نه قدر داوام ائده‌جک ایستانبول گنج‌لیک فستیوالی و "اوخ یای‌دان چیخیر" شعاری ایله 11-14 می تاریخ‌لرینده کئچیریله‌جک ائتنوسپور مدنیت فستیوا‌لی‌نین مطبوعات کونفرانسی کئچیریلدی.
تورکیه‌نین گنج‌لیک و ایدمان ناظیری آکیف چاغاتای کیلیچ اتنوسپور مدنیت فستیوا‌لی‌نین گنج‌لرین بو تورپاغین دیرلری ایله تانیش اولماسی و اونا صاحب اولماسی اوچون چوخ اهمیت‌لی بیر فورصت اولدوغونو سؤیله‌دی.
اتنوسپور مدنیت فستیوالینی ایلک دفعه کئچن ایل تشکیل ائتدیک‌لرینی خاطیرلا‌دان دونیا اتنوسپور کنفدراسیونونون باشقانی بلال اردوغان: " کئچن ایلدکی فستیوالیمیز بؤیوک ماراغا سبب اولموشدو. اوچ گون مدتینده 150 مین‌دن چوخ وطنداشیمیز قاتیلمیشدی. بو ایلکی تدبیری یئنی‌قاپی تدبیر ساحه‌سینده کئچیرجییک. کئچن ایله نیسبتن داها چوخ قاتیلان اولا‌جاق" دئدی.
ایستانبول گنج‌لیک فستیوالی 6 صنعت سرگی‌سینه ده ائو صاحب‌لیگی ائده‌جک.
اتنوسپور مدنیت فستیوالی 11 سنتی ایدمان نؤع موسابیقه‌لرینه صحنه اولا‌جاق.
بو ایل یاغلی گولش یاریش‌لاریندا 300-دن چوخ پهلوان یاریشا‌جاق 843 ایدمانچی تدبیرلره قاتیلا‌جاق. آت ایله نوماییش‌لر اولا‌جاق. 26 سنتی اوشاق اویونو گؤستریله‌جک. دمیرچی‌لر مهارت‌لرینی سرگیله‌یه‌جک‌لر. 28 ال صنعتی‌نین تقدیماتی اولا‌جاق. تورک امکداش‌لیق و کووردیناسیون آژانسی‌نین (TİKA) "تورک کندی" لاییحه‌سی نوماییش اولونا‌جاق.
ایلگیلی‌لی خبرلر
تورکیه‌یه ان چوخ قوناق قونشولاریندان گلدی
تورکیه‌یه ژانویه و فوریه آییندا ان چوخ توریست گؤندره‌ن اؤلکه، ۴۳۷ مین ۹۰۵ نفر ایله ایران اولدو
