کانادانین نیوفاندلند آداسی بوز داغی سببیله توریست آخی‌نینا اوغراییر

نیوفاندلند آند لابرادور بؤلگه‌لری‌نین ساحل‌لری "آیسبرگ درّه‌‌سی" اولا‌راق بیلینیر

716508
کانادانین نیوفاندلند آداسی بوز داغی سببیله توریست آخی‌نینا اوغراییر

کانادانین نیوفاندلند آداسیندا اولان فریلند قصبه‌سی، ساحله یاخین‌لاشان بؤیوک بیر آیسبرگ(بوز داغی) سببیله توریست آخی‌نینا اوغراییر.

نیوفاندلند آند لابرادور بؤلگه‌لری‌نین ساحل‌لری "آیسبرگ درّه‌‌سی" اولا‌راق بیلینیر.

هر یازدا شمال قوطبوندان قوپان بوز بلوک‌لاری آشاغی دوغرو سوروکلنه‌رک، دنیزین آلتین‌داکی بوزلارا آسکیده و یازین سونو یا دا یازین باشینا قدر عینی نقطه‌ده قالا بیلیر.

فریلند بلدیه باشقانی آدریان کاواناگه، یئرلی مطبوعاتا، بو بؤیوک آیسبرگین یئرینه اوتوردوغونو و بیر مدت بؤلگه‌ده قالا بیله‌جگینی سؤیله‌دی.

بوزلاق‌لار کوتله‌لری‌نین چوخو سویون آلتیندا وار و بعضن ساحله دوغرو سوروکلنه‌رکن قورویا اوتورابیلیر.

آیسبرگ موسومو ایسه بو ایل یوزلرله اوزن آیسبرگ سببیله اولدوقجا حرکت‌لی کئچیر.

متخصص‌لر آتلاس اوقیانوسنا بو ایل نورمال‌دان داها چوخ سایدا بوز داغی‌نین ائنه‌جگینی ایفاده ائدیر.



ایلگیلی‌لی خبرلر