آنتالیایا توریست آخاجاق
قازاقیستان، تورکمنیستان و آذربایجان‌لی توریست ساییسیندا آرتیش یاشانیر
آنتالیا بو ایل 3،5 میلیون روس، 1،5 میلیون اوکراینا‌لی توریستی آغیرلایاجاق.
پروفسیونل هتل ایدارچی‌لری درنگی باشقانی حاکان دوران، روس توریست‌لر باخیمین‌دان آنتالیادا جدی بیر حرکتلیلیگین باشلادیغینی، ایلین ایلک 2 آییندا گئچن ایلین عینی دؤورونه گؤره یوزده 3 مین 500 جواریندا آرتیش اولدوغونو سؤیله‌دی.
روسیا بازاریندا 2015 رقم‌لرینه اولاشیلدیغینی و حتی 2014 رقم‌لرینه دوغرو دا بیر گئدیش اولدوغونو بیلدیرن دوران، آنتالیانین 3،5 میلیون روس توریستی آغیرلایاجاغی دوشونجه‌سینده اولدوق‌لارینی سؤیله‌دی.
دوران، قازاقیستان، تورکمنیستان، آذربایجان‌لی توریست ساییسیندا دا آرتیش یاشاندیغینی ایفاده ائتدی.
اوکراینا ایله تورکیه آراسیندا کیملیکله سیاحتین اؤنمینه ده دقت چئکن حاکان دوران، بو آسانلیغین تامین ائدیلمه‌سی ایله گئچن ایل آنتالیایا گلن 1 میلیون‌دان اوزرین‌دکی اوکراینا‌لی توریست ساییسی‌نین بو ایل 1،5 میلیونو گؤرمه‌سی‌نین گؤزلنیلدیگینی وورغولادی.
ارکن رزرواسیونو چوخ بؤیوک اوستونلوک گتیردیگینی و ایچ توریزمی حرکتلندیردیگینی ایفاده ائدن دوران، ارکن رزرواسیون ایله یوزده 50لره چاتان آوانتاژلارلا تعطیل گئچیرمه‌نین تامین ائدیلدیگینی سؤیله‌دی.
دوران؛
"کرئدی کارتینا قسط‌لندیرمه ده آیری بیر اوستونلوک اولدو. گئچن ایل آنتالیا باخیمین‌دان ایچ توریزمه 7 میلیون نفر دولاییندا بیر حرکت واردی، بو ایل یوزده 15 آرتیشلا گئدرسه 8 میلیونو راحت گؤره‌ریک دئیه دوشونورم" شکلینده دانیشدی.
