تورکیه‌دکی خاریجی اؤیرنجی‌لرین شب عرس هیجانی

عابدکوهی، مؤو‌لانانی تورکیه‌یه گلمه‌دن اول ده تانیدیغینی، ایراندا اوخول‌لاردا اونون کیتاب‌لارینی و شعرلرینی اوخودوق‌لارینی ایفاده ائتدی

626804
تورکیه‌دکی خاریجی اؤیرنجی‌لرین شب عرس هیجانی
yurtdışı türkler ve akraba topluluklar başkanlığı.jpg
yurtdışı türkler ve akraba topluluklar başkanlığı.jpg

 

یورددیشی تورک‌لر و قوهوم توپلولوق‌لار باشقان‌لیغی، تورکیه بورسلاری ایله تحصیل گؤرن 30 اؤیرنجینی مؤو‌لانانین 743.جو وصلت ایل دؤنومو فعالیت‌لرینی ایزلمک اوچون قونیایا آپاریر.

آنکارا، آنتالیا، اسکی‌شهیر و کایسری‌دن 30 اؤیرنجی، قونیادا مؤو‌لانا توربه‌سی و موزه‌سی، شهیدلیک موزه‌سی، عزیزیه مسجیدی، شمس ​​تبریزی توربه‌سی، صاحب آتا کوللیه‌سی، قونیا تروپیک کپنک باغچاسی، قونیا بیلیم مرکزی کیمی یئرلری گزه‌جک و شب عرس مراسیمینی ایزله‌یه‌جک.

مراسیم‌لری ایزلمک اوچون آنکارا‌دان قونیایا گئده‌جک اؤیرنجیلر دویدوق‌لاری هیجانی آنلاتدی. آمریکادان گلن و آنکارا اونیورسیته‌سی سیاست بیلیمی بؤلومونده یوکسک لیسانس اوخویان آماندا لی ریورت، مؤو‌لانانی هم ایلک اوخول، هم ده سون اوخولدا ایکن اوخودوغونو سؤیله‌دی.

ریورت، "چوخ یاخشی و جدی بیر شاعر. داها چوخ اثرینی اوخوماق ایسته‌ییرم. قونیا حاقیندا دا چوخ شئی ائشیتدیم. بیر چوخ یولداشیم قونیایا موطلق گئتمم لازیم اولدوغونو سؤیله‌دی. چونکو تورک تاریخی اوچون چوخ اؤنم‌لی بیر یئر. گئده‌جییم اوچون چوخ هیجان‌لییام" دئیه دانیشدی.

آنکارا اونیورسیته‌سی الاهیات فاکولته‌سینده اوخویان افغانستانلی اؤیرنجی عبدالمعروف ستاری ده تخمینا 5 ایلدیر کی، تورکیه‌ده اولدوغونو ایفاده ائتدی. تورکیه‌یه گلمه‌دن اول اؤلکه‌سینده تحصیل گؤررکن ده مؤو‌لانانین کیتاب‌لارینی و شعرلرینی اوخودوق‌لارینی سؤیله‌ین ستاری، "اثرلری، سؤزلری چوخ گؤزل. چوخ سئویرم مؤو‌لانانی اوخویورام" دئدی

آنکارا اونیورسیته‌سی فلسفه بؤلمومونده دکترا اوخویان ایران‌لی فائزه عابدکوهی، تورکجه‌نی تهران‌داکی یونوس امره اینستیتوسوندا اؤیرندیگینی ایفاده ائده‌رک "حقیقتا چوخ چابا صرف ائدیرلر اؤیرنجیلر اوچون. تورکیه‌یه گلمه‌دن اول، آکادمیک چالیشما ائده‌جه‌یم اوچون بو دیلی یاخشی شکیلده بیلمک لازیم ایدی. اونا گؤره اورادا 6 آی ائییتیم گؤردوم. تورکجه‌نی او قدر چوخ سئویرم کی سرعت‌لیجه اؤیرندیم" دئدی.

عابدکوهی، مؤو‌لانانی تورکیه‌یه گلمه‌دن اول ده تانیدیغینی، ایراندا اوخول‌لاردا اونون کیتاب‌لارینی و شعرلرینی اوخودوق‌لارینی ایفاده ائتدی.

مؤو‌لانانین مکتوب‌لاری، رباعی‌لری، مثنوی، دیوان کبیر، مجالس سبعه، فیه ما فیه کیمی اثرلری‌نین ایراندا دا اوخوتولدوغونو سؤیله‌ین عابدکوهی، "بو مراسیم، اینسانین اللها قارشی عرفانی، دینی و داخلی معنادا ماراغینی و قول اولدوغونو گؤسترمه‌سی‌دیر. بونو جان‌لی بیر شکیلده ایزلمک ایستییریک"دئدی.

 7  دسامبردا باشلایان بو ایلکی تدبیرلر 17 دسامبرداکی سماع ایله سونا چاتا‌جاق.



ایلگیلی‌لی خبرلر