باب دیلن، شخصاً قاتیلامایاجاق

سوئد آکادمیسی یئتکی‌لی‌لری، دیلنین دانیشماسی‌نین، 10 دسامبردا استکهلم‌دا تشکیل ائدیله‌جک اؤدول مراسیمینده اوخوناجاغینی آچیقلادی

624623
باب دیلن، شخصاً قاتیلامایاجاق

سوئد کرالیت بیلیم آکادمیسی 2016.جی ایلین نوبل ادبیات اؤدولونون صاحبی آمریکا‌لی مغنی باب دیلن، شخصاً قاتیلامایاجاغینی بیلدیردیگی اؤدول مراسیمینده اوخونماق اوزره دانیشیق متنی حاضرلادی.

اینگیلیس گاردین قزئتی‌نین خبرینه گؤره، سوئد آکادمیسی یئتکی‌لی‌لری، دیلنین دانیشماسی‌نین، 10 دسامبردا استکهلمدا تشکیل ائدیله‌جک اؤدول مراسیمینده اوخوناجاغینی آچیقلادی.

دیلنین دانیشما متنینی اؤزلرینه گؤندردیگینی ایفاده ائدن یئتکی‌لی‌لر، متنی، آکادمی عضوو هوراس انگدالین اوخویاجاغینی بیلدیردی.

دیلنین قاتیلمایاجاغی اؤدول مراسیمینده آمریکا‌لی مغنی پتی اسمیت، صنعتچی‌نین "آ هارد راینز آ-گونو فول" آدلی ماهنی‌سینی سسلندیره‌جک.

آمریکا‌لی موسیقیچی‌نین اؤدولو قازاندیغی 13 اکتبردا آچیقلانمیشدی. آکادمینین اؤدولو بیلدیرمک اوزره آرادیغی صنعتچی تلفنا جاواب وئرمه‌میش، ایکی هفته خبر آلینابیلمه‌ین دیلن، 29 اکتبردا سوئد آکادمیسی یازمانی سارا دانیوسو آرا‌یاراق اؤدول اوچون تشکر ائتمیشدی.

آکادمی، دیلنین "آمریکا ماهنی گله‌نگی ایچینده یئنی شعرسل آنلاتیم‌لار یاراتدیغی اوچون" اؤدوله لاییق گؤرولدوگونو آچیقلامیشدی.

دیلن، نوبل ادبیات اؤدولونو قازانان ایلک ماهنی سؤزو یازاری اولدو.



ایلگیلی‌لی خبرلر