محمد علی کلی، هالیوود مشهورلار پیاده رویندا خاطیرلاندی
محمد علی‌نین اولدوزو یئردن یوخاریدا، مشهور دولبی سینمانین دیوارینا یئرلشدیریلمیش اولاراق 2002-جی ایلدن بری سرگی‌لنیر
محمد علی کلی، هالیوود مشهورلار پیاده رویندا خاطیرلاندی.
آمریکا‌لی افسانه بوکسچو محمد علی اؤلومونون آردین‌دان هالیوود مشهورلار پیاده رویندا (Walk of Fame ) خاطیرلاندی.
پارکینسون خسته‌لیگی ایله 33 ایلدیر موباریزه ائدن محمد علی‌نین تنفوس چاتمازلیغی سببیله قالدیریلدیغی خسته‌خانادا حیاتا گؤزلرینی یومماسی‌نین آردین‌دان افسانوی بوکسچو پرستیشکارلاری هالیوود اولدوزلار پیاده روینا آخین ائتدی.
دونیا شامپیونو مسلمان بوکسچو هالیوود دا دیگر مشهور آدلاردان فرق‌لی اولاراق دیواردا اولان اولدوزونون اؤنونه چیچک و بیر جوت بوکس الجگی بوراخان پرستیشکارلاری، خاطیره شک‌لی چک‌دیرمک اوچون هالیوود بولواریندا اوزون قویروق‌لار میدانا گتیردی.
هالیوود مشهولار پیاده رویندا اولان 2 مین 582 اولدوز آراسیندا یالنیز محمد علی‌نین اولدوزو یئردن یوخاریدا، مشهور دولبی سینمانین دیوارینا یئرلشدیریلمیش اولاراق 2002-جی ایلدن بری سرگی‌لنیر. هالیوود بولوارینا اولدوزو قویولماسی اوچون تکلیف گئتدیگینده محمد علی‌نین "من پیغمبر آدی داشیییرام، اینسان‌لارین آدیمین اوستونه باسا‌راق کئچمه‌سینی قبول ائده بیلمرم. محمد آدینی یئره یازدیرامام. "شکلینده جواب وئردیگی بیلینیر.
ایلگیلی‌لی خبرلر
آنتالیایا ایلین ایلک آییندا ۲۰۰ میندن چوخ توریست گلدی
ان چوخ توریست گؤندره‌ن اؤلکه‌لرین سیرالاماسیندا ایسه هر دؤنمده اولدوغو کیمی روسیا بیرینجی یئری توتدو
تۆرکیه‌یه ان چوخ توریست آلمانیادان گلدی
تۆرکیه‌یه ۲۰۲۲-جی ایلده قوناقلار ان چوخ آلمانیا، اینگیلتره، بولقاریستان و ایران‌دان گلدی
