آنجلینا جولی وداع ائدیر
آنجلینا جولی، آکتورلوغو یاخین زاماندا بوراخاجاغینی آچیقلادی
آنجلینا جولی وداع ائدیر
آمریکالی سینما اویونچوسو و بیرلشمیش میلتلر تشکیلاتینین سیغینماچیلار یوکسک کمیسیونو یاخشی نیت ائلچیسی آنجلینا جولی، آکتورلوغو یاخین زاماندا بوراخاجاغینی آچیقلادی.
یؤنتمنلیگینی ائتدیگی 'انبروکن' فیلمی حاقیندا 'دو ژور' درگیسینه مصاحیبه وئرن مشهور اویونچو، بوندان سونراکی ایش حیاتینا یؤنتمن اولاراق داوام ائتمک ایستدیگینی ایفاده ائتدی.
جولی، 'بیر اویونچو اولاراق هئچ بیر زامان راحت اولمادیم. ماراق مرکزی اولماغی و کامرا قارشیسیندا اولماغی سئومیرم. بوندان سونراسی اوچون یؤنتمنلیگه آغیرلیق وئرمک ایستییرم' دئدی.
آنجلینا جولینین یؤنهتدیگی و لویس زامپرینی آدلی آمریکالی اوزون مسافه یاریشچیسینین اینانیلماز حیات اؤیکوسونون ایضاح ائدیلدیگی 'انبروکن' فیلمینین باش روللاریندا، جک اوکانل، دامنال گلیسون، گرت هدلوند یئر آلیر. فیلم، 26 دسامبردا گؤستریلهجک.
یؤنهدمنلیک ایشینه 2007 یاپیمی 'آ پلاس این تایم' آدلی بلگهسل ایله آددیم آتان اویونچو، یؤنهتدیگی و حیات یولداشی برد پیت ایله بیرلیکده رول آلدیغی 'بای ته سی' فیلمینین چئکیملرینی، قیسا مدت اؤنجه تاماملادی. فیلمین، گلهجک ایل گؤستریلمهسی گؤزلنیلیر.
آنجلینا جولی، 'گیرل اینتروپتد' آدلی فیلمدکی پئرفورمانسییلا 2000.جی ایلده 'ان یاخشی کؤمکچی قادین اویونچو' اولاراق اسکار آلمیشدی.