قاراجا اوغلانین مزاری تاپیلدی
قارامانین ساریولیلر ائلچهسیندهکی حاجی صالح مسجیدینده یئریدیلن اوناریم چالیشماسی سیراسیندا تخمینا ۱ آی اؤنجه ایش ماشینلاری طرفیندن باغچادا عثمانلی تورکجهسیله "قاراجا اوغلانین روحونا فاتیحه" یازیلی بیر مزار داشی و مزار تاپیلدی.
آراشدیرمالاردا، مزار داشینین قاراجا اوغلانین یاشادیغی ۱۷.جی عصره عاید اولدوغو احتیمالی هیجان یاراتدی. مزارین کیمه عاید اولدوغو تعیین ائتمک اوچون باشلادیلان آراشدیرمالار داوام ائدیر.
داش اوزرینده ائدیلن کرونولوژیک آراشدیرمادا داشین ۱٦۰۰.جو ایللره عاید اولدوغو سانیلماسی، ۱٦۰٦ دوغدوغو، ۱٦۷۹ یا دا ۱٦۸۹دا اؤلدوگو تخمین ائدیلن خالق شاعر قاراجا اوغلانا عاید اولماسی احتیمالینی گوجلندیردی.
قاراجا اوغلانین، "بارچین یایلاسیندا اوچ گؤزل گؤردوم" آدلی شعرینده آدی گئچن بارچین یایلاسینین قارامانین ساریولیلر ائلچهسی سینیرلاریندا یئر آلماسی، قاراجا اوغلانین بورادا یاشادیغینا دایر ادعالاری داها دا ساغلاملاشدیردی. آیریجا بؤلگه خالقی قاراجا اوغلانین ساریولیلرده یاشادیغینا اینانیر.
بیلیم آداملاری داشلا ایلگیلی آراشدیرمالارینی تاماملادیقدان سونرا مزارین کیمه عاید اولدوغو کسینلیک قازاناجاق.
۱۷.جی عصرده یاشایان قاراجا اوغلانین شعرلری عشق و طبیعت اوزرینده قورولودور. آیریلیق، قوربت، وطن حسرتی و اؤلوم ان چوخ توخوندوغو قونولاردیر. دویغولارینی، یاشادیقلارینی، دوشونجهلرینی ایچدن، حقیقی و اؤزگون/اوریژینال شعر یاپیسی ایچینده دیله گتیریر. قاراجا اوغلان، تورک آشیق ادبیاتینا یئنی بیر سؤیلهییش بیچیمی گتیردی. چوخ یالین و آری بیر تورکچه قوللانیر. اؤزوندن سونرا گلن بیر چوخ اوزانی دریندن ائتکیلهدی. بو اولوملو ائتکی گونوموز تورک شعرینه قدر اوزانار. قاراجا اوغلان، یاشادیغی چاغدا یئتیشمیش باشقا ساز شاعرلرینین ترسینه، دیل و اؤلچو باخیمیندان دیوان ادبیاتینین و تکه شعرینین ائتکیسیندن اوزاق قالمیشدیر.