سونی ویلیامز، اوزایدا ۶۲ ساعات و ۶ دقیقه یئریدی و اوزایدا ان اوزون گزینتی ائدن آسترونوت اولدو
ایکی آسترونوتون دونیایا قاییدا بیلهجَکلری تاریخ مارت آیینین سونو و یا آپرئل آیینین اولی تخمین ائدیلیر

آمئریکا آسترونوت "سونی ویلیامز"، اوزایدا ۶۲ ساعات و ۶ دقیقه یئریدیکدن سونرا اوزایدا ان اوزون گزینتی ائدن آسترونوت اولدو.
بین الخلق اوزای ایستگاهینین X حئسابیندان اولان بیر شرحه گؤره، ویللیامز، پگی ویستونا عایید اولان ۶۰ ساعات ۲۱ -دقیقه اوزایدا یئریمه رئکوردونو گئریده بوراخدی.
اوزون مودت اوزایدا محصور قالان ویلیامز و اونون همکاری بوتج ویلمور، ایستگاه آوادانلیقلارینی قوروماق و دیستنی لابوراتوری ایله گئست هاوا کیلیدیندن آنالیز اوچون یئراوستو ماتئریال نومونهلری توپلاماق اوچون ۵ ساعات ۲۶ دیقه اوزایدا یئریدیلر.
بئله لیکله "سونی ویلیامز"ین اوزایدا یئریمه مودتی ۶۲ ساعات و ۶ دقیقه اولدو و کوسموسدا ان اوزون گزینتی ائدن قادین آسترونوت عنوانینی آلدی.
ویلیامز و ویلمور، ۵ ایون ۲۰۲۴-جو ایلده بوئینگـین یئنی استارلاینئر کپسولو ایله بیر تئست اوچوشو اوچون اوزایا گؤندریلدی.
آنجاق استارلاینئر ده تئخنیکی پروبلئم سببیندن ایکی آسترونوتون گئری قایتاریلماسی تاخیره سالیندی، ناسا کپسولون بوش دونمهسی فرمانینی وئری.
داها سونرا اسپئیس ایکس یدک کپسولون فیرلاتیلماسی تاخیره سالیندیغی اوچون ایکی آسترونوتون دونیایا قاییدا بیلهجَکلری تاریخ مارت آیینین سونو و یا آپرئل آیینین اولی تخمین ائدیلیر.
بئلهجه اونلار ۱۰ آی اوزایدا قالمایا داوام ائدهجکلر.
ایلگیلیلی خبرلر

روسیه توریستلری کئچهن ایل ان چوخ تورکیهیه گلدیلر
آچیقلامادا، تورکیهیه ائدیلن سیاحتلرین مذکور دؤورده یوزده ۶.۳ آرتاراق ۶.۷ میلیونا چیخدیغی بیلدیریلدی

کئچهن آی ان ایستی "یانوار" ایدی
دونیا ۲۰۲۴-جو ایلده ان ایستی ایلی یاشامیش، ایلک دفعه اورتالاما ایستی درجهسی ۱،۵ درجهیی کئچمیشدی.