هیندیستانین کوسموسا SpaDeX یئرلشدیرمه میسیاسی اوغورلا باشا چاتیب

هیندیستان، آمئریکا، روسیه و چین‌دن سونرا اینسان موداخیله‌سی اولمادان کوسموسدا کنه‌تلنمه میسیاسینی اوغورلا یئرینه یئتیرن ۴-جو اؤلکه اولدو

2231412
هیندیستانین کوسموسا SpaDeX یئرلشدیرمه میسیاسی اوغورلا باشا چاتیب

هیندیستان کوسمیک تدقیقاتلار آگئنتلیگی (ISRO) اوزای کنه‌تلنمه دنئی (SpaDeX) میسیاسینین اوغورلا باشا چاتدیغینی اعلان ائدیب.

ایسرو-نون X  سوسیال مئدیا حئسابیندا ائدیلن آچیقلامادا، SpaDeX میسیاسینین اوغورلا تاماملاندیغی و بونون "تاریخی آن" اولدوغو بیلدیریلیب.

SpaDeX میسیاسینین باشا چاتماسی ایله هیندیستان، آمئریکا، روسیه و چین‌دن سونرا اینسان موداخیله‌سی اولمادان کوسموسدا کنه‌تلنمه میسیاسینی اوغورلا یئرینه یئتیرن ۴-جو اؤلکه اولدو.

هیندیستانین باش ناظیری نارئندرا مودی X  حئسابیندا وئردییی آچیقلامادا ایسرو کومانداسینی تبریک ائده‌رک، بو اوغورون هیندیستانین گله‌جک کوسمیک میسیالاری اوچون موهوم آددیم اولدوغونو بیلدیریب.

ایسرو دئکابرین ۳۰-دا ایکی پئیک داشییان ایلک راکئتینین SpaDeX میسیاسینین بیر حیصّه‌سی اولاراق کوسموسا اوغورلا بوراخیلدیغینی اعلان ائتدی.

ایسرو-نون یانوارین ۹-دا وئردییی بَیاناتدا بیلدیریلیردی کی، SpaDeX میسیاسی چرچیوه‌سینده اوربیته بوراخیلان پئیکلرین یئرلشدیریلمه‌سی مانور زامانی گؤزلنیلندن چوخ «دریفته” گؤره تاخیره سالینیب.

بیلدیریلیر کی، بو میسیا گله‌جک اینسان کوسمیک اوچوشلاری و پئیک خیدمتی میسیالاری اوچون اساس تئکنولوژی‌دیر.



ایلگیلی‌لی خبرلر