۲۰۱۷-جی ایلدن بری اسکاتلندده ۱۵۰۱ کؤرپه نارکوتیک معتادی اولاراق دوغولوب
سؤزوگئدن کؤرپهلرده کنترال اولونا بیلمهین تیترمهلر، هیپراکتیولیک، درینین سرپمهسی و تیز سسله آغلامالار وار
۲۰۱۷-جی ایلدن بری اسکاتلندده ۱۵۰۱ کؤرپه نارکوتیک معتادی اولاراق دوغولوب.
اسکاتلند لیبئرال دئموکرات پارتیسی معلومات آزادلیغی چرچیوهسینده الده ائتدییی رقملره دایاناراق، ماده باغیملیلیغی ایله دوغولان کؤرپهلردهاورتایا چیخان "یئنی دوغولموش یوخلوق سندرومو (NAS)" حاقیندا راپور حاضیرلاییب.
معلوماتا گؤره، ۲۰۱۷-جی ایلدن بری ۱۵۰۱ کؤرپه "یئنی دوغولموش یوخلوق سندرومو (NAS)" ایله دوغولوب و بونا سبب کیمی آنالارین حامیلهلیک دؤورونده ایستیفاده ائتدییی قانونی و یا غیرقانونی داوالار گؤستریلیب.
پایتخت ائدینبورگون دا یئر آلدیغی لوتیان بؤلگهسینده ۷۷۴ کؤرپه نارکوتیک معتادی اولاراق دوغولارکن، گلاسگو و کلاید بؤلگهسینده ۲۲۱ کؤرپه، آبئردین ایالتینینده داخیل اولدوغو گرامپیان بؤلگهسینده ۲۰۹ کؤرپه نارکوتیک معتادی اولاراق دوغولوب.
بو راپوردا همچینین قید اولونوب کی، سؤزوگئدن کؤرپهلرده کنترال اولونا بیلمهین تیترمهلر، هیپراکتیولیک، درینین سرپمهسی و تیز سسله آغلامالار وار.
راپورا باغلی آچیقلاما وئرن اسکاتلند لیبئرال دئموکرات پارتیسینین لیدئری آلکس کل-هامیلتون، اسکاتلند حؤکومتینین نارکوتیک و نارکوتیکدن اؤلوملرله موباریزده باشاریسیز اولدوغونو وورغولایاراق، حؤکومتی نارکوتیک ایله موباریزه خیدمتلرینه داها چوخ دستهک وئرمهیه چاغیریب.
