فردی تایفور آنتالیادا مۆعالیجه آلدیغی خستهخانادا دونیاسینی دَییشیب
۷۹ یاشیندا دۆنیاسینی دَییشن فردی تایفورون جنازهسی ایستانبولا گؤندریلهجک و صاباح کئچیریلهجک مراسیمدن سونرا تورپاغا تاپشیریلاجاق
2226517
آرابئسک موسیقیسینین اوستا سسلریندن اوْلان فردی تایفور آنتالیادا مۆعالیجه آلدیغی خستهخانادا دۆنیاسینی دَییشیب.
خبری ائشیدن اونو سئونلر مشهور صنعتچینی آخیرت ائوینه یولا سالماق اوچون خستهخانایا آخیشیبلار.
۷۹ یاشیندا دۆنیاسینی دَییشن فردی تایفورون جنازهسی ایستانبولا گؤندریلهجک و صاباح کئچیریلهجک مراسیمدن سونرا تورپاغا تاپشیریلاجاق.
صنعتچی سوْن ایللرده ساغلیق پروبلئملری یاشاییردی.
داها اول آنتالیادا بئیین دامارینا ستئنت تاخیلان فردی تایفورا ۲۰۲۰-جی ایلده اوغلونون بؤیرهیی نقل اولونموشدو.
موسیقیسی ایله میلیونلارین قلبینی فتح ائدن صنعتچی ۹ دفعه «قیزیل پلاک» موکافاتینی قازانیب، ۳۰-دان چوخ آلبوم حاضیرلاییب، ۳۰-دان چوخ فیلمده رول آلیب.
