انگلستاندا ۱۶۶ میلیون ایل اؤنجهیه عاید ۲۰۰ دایناسور آیاق ایزی تاپیلیب
تدقیقاتچیلار بیلدیریبلر کی، بو کشف دایناسورلارین داورانیشی و موحیطی حاقیندا موهوم ایپوجو وئریر
انگلستاندا ۱۶۶ میلیون ایل اؤنجهیه عاید ۲۰۰ دایناسور آیاق ایزی تاپیلیب.
آکسفورد و بیرمینگهام اونیوئرسیتئتلرینین بیرگه فعالیتی ایله انگلستانین آکسفوردشایر بؤلگهسینده ۲۰۰-ه یاخین دایناسور آیاق ایزی آشکار ائدیلیب.
آراشدیرمادا ایزلرین ۱۶۶ میلیون ایل اژنجهیه عاید اولدوغو بیلدیریلیب.
وئریلن معلوماتدا دئییلیر کی «بو ایزلر اوزون بویونلو ساوروپود اولان جئتیوساوروس و داها کیچیک بیر ات یئین دایناسور اولان مئقالوزاورین حرکتلرینی اورتایا قویور».
تدقیقاتچیلار بیلدیریبلر کی، بو کشف دایناسورلارین داورانیشی و موحیطی حاقیندا موهوم ایپوجو وئریر.
بیرمینگهام اونیوئرسیتهتینین میکروپالئونتولوقو "کیرستی ائدگاری" دئییب: "بو، ایزلرین میقیاسی و اؤلچوسو باخیمیندان گؤردویوم ان تأثیرلی ایز سایتلاریندان بیریدیر. بیز کئچمیشه قاییدیب بو دئو جانلیلارین اطرافدا دولاشاراق اؤز ایشلری ایله مشغول اولدوقلاری بیر دؤورو تصوور ائده بیلریک".
