یئمک زنجیرینده دایناسورلارین اوستونلوغو
میلیونلارلا ایل اول یئرین یئمک زنجیرینده دایناسورلارین اوستونلوک تشکیل ائتدیگینه دایر یئنی تاپینتیلار تاپیلیب
میلیونلارلا ایل اول یئرین یئمک زنجیرینده دایناسورلارین اوستونلوک تشکیل ائتدیگینه دایر یئنی تاپینتیلار تاپیلیب.
آوروپادان بیر چوخ فرقلی اونیوئرسیته طرفیندن حیاتا گئچیریلن اورتاق آراشدیرمادا، ۲۰۰ میلیون ایل اول دایناسورلارین یئدیغی یئمکلری تعیین ائتمک اوچون لهستان‌دا تاپیلان یوزلرله داشلاشمیش دایناسور نجیسی و قوسومو آراشدیریلدی.
آراشدیرما زامانی فوسیللرده بالیق پولجوقلاری، حشراتلار و سوموک پارچالاری کیمی ماده‌لر تاپیلیب.
تاپینتیلارین ایشیغیندا آراشدیرماجیلار، ایلک دایناسورلارین گئنیش یئمک چئشیدینه مالیک اولدوغونا اینانیر و بعضی دایناسورلارین ایقلیم دَییشیکلیگینه تئز اویغونلاشدیقلارینی و رقیبلرین‌دن داها چوخ بیتکی چئشیدی یئدیکلرینی بیلدیردیلر.
آراشدیرمانین مولیفلریندن اوپسالا اونیوئرسیته‌سینین اورگانیزم بیولوژیسی بؤلومو آراشدیرماچیسی مارتین قوارنسترؤم، میلیونلارلا ایلدیر یئر اوزونده یاشایان بو کرتنکله‌لرین ایلک دؤورلرده «نه تاپدیقلارینی» یئدیکلرینی قید ائده‌رک، بو کرتنکله‌لرین اوستونلوک تشکیل ائتدیگینی ایفاده ائتدی. قیدا زنجیرینده‌کی بو جانلیلار اوزون بیر مدت نتیجه‌سینده میدانا گلدی.
او بیری طرفدن آراشدیرمالارین یالنیز لهستان‌دا تاپیلان فوسیللر اوزرینده آپاریلدیغینی وورغولایان قوارنسترؤم، بو وضعیتین باشقا بؤلگه‌لرده‌ده عینی شکیلده اینکیشاف ائدیب-ائتمه‌دیگینی گؤرمه‌ک ایستدیگینی ایفاده ائتدی.
آراشدیرما "نیچر" ژورنالیندا درج اولونوب.
