اؤزبکیستان‌دا «بین‌الخلق تورکجه شعر فئستیوالی» باشلاییب
تورک دونیاسی و بالکانلار دا داخیل اولماقلا، یازیچیلار بیرلیگیندن ۱۰۰-ا یاخین شاعر ایشتیراک ائدیر
اؤزبکیستان‌ین باشکندی داشکندده «بین‌الخلق تورکجه شعر فئستیوالی» باشلاییب.
مدنیت و توریزم ناظیرلیگی، تورک امکداشلیق و هماهنگی آژانسی (تیکا)، آنکارا سوسیال بیلملر اونیوئرسیته‌سی، بین‌الخلق تورک مدنیتی تشکیلاتی (تورکسوی) و اؤزبکیستان‌ین دسته‌گی ایله داشکندده «۱۶-جی بین‌الخلق تورکجه شعر فئستیوالی» باشلاییب. تورک دونیاسی و بالکانلار دا داخیل اولماقلا، یازیچیلار بیرلیگیندن ۱۰۰-ا یاخین شاعر ایشتیراک ائدیر.
اؤزبکیستان یازیچیلار بیرلیگینین ائو صاحیبلیگی ائتدیگی بیرلیگین بیناسیندا گئچیریلن تدبیردن اول ایشتیراکچیلار مشهور اؤزبک شاعری علیشیر نوایی‌نین هئیکلی اؤنونه گول قویوبلار.
آنکارا سوسیال علملر اونیوئرسیته‌سی رئکتورو، تورکیه یازیچیلار بیرلیگینین باشقانی پروفئسور دوکتور موسی کاظیم آریجان دا شعر فئستیوالینین اؤزبکیستان‌دا ایلک دفعه گئچیریلدیغینی بیلدیریب، "تورکیه یازارلار بیرلیگینین تشبوصو ایله ۱۹۹۲-جی ایلده باشلایان و ایکی ایلدن بیر گئچیریلن بین‌الخلق تورکجه شعر فئستیوالی تورک دونیاسیندا چئشیدلی جغرافیالاردا یاشایان و موختلیف لهجه‌لرده اثرلر یازان یوزلرله شاعرین گلدیگی بیر فعالیتدیر. بیرلیکده اورک کؤرپولری قوراراق دوستلوق باغلارینی گوجلندیرمک اوچون فئستیوال بوتون تورک خالقلاری اوچون بیر حادیثه‌دیر" دئدی.
نوامبرین ۳۰-دک داوام ائده‌جک فئستیوال چرچیوه‌سینده شعر آتلیه‌لری، کنسرتلر، شعر بؤلمه‌لری و کیتاب تبلیغاتی تدبیرلری تشکیل اولوناجاق.
