افغان قیزی ۲۰-جی بین الخلق اوشاق باریش مۆکافاتینی قازاندی
نیلا ابراهیمی ۴۷ اؤلکهنی تمثیل ائدن ۱۶۵ نامیزد آراسیندان موسیقی واسیطهسیله اعتیراض حرکاتینا رهبرلیک ائتمک و افغان قیزلارین حۆقوقلارینی دستهکلمک اۆچون سئچیلیب.
اوشاق حۆقوقلاری فوندو بیر بَیاناتدا بیلدیریب: ۲۰-جی بین الخلق اوشاق باریش مۆکافاتی هلندین پایتختی آمستردامدا کئچیریلن مراسیمده افغانیستانلی ۱۷ یاشلی قیز نیلا ابراهیمییه قادینلارین و قیزلارین حۆقوقلارینی دستهکلدییینه گؤره وئریلیب.
نیلا ابراهیمی ۴۷ اؤلکهنی تمثیل ائدن ۱۶۵ نامیزد آراسیندان موسیقی واسیطهسیله اعتیراض حرکاتینا رهبرلیک ائتمک و افغان قیزلارین حۆقوقلارینی دستهکلمک اۆچون سئچیلیب.
بو مۆکافات بیر اؤنجهکی غالیب توکل کرمان طرفیندن وئریلیب.
بو تدبیرده هلند شاهزادهسی پترا لورنتین، بیرلشمیش میلتلر تشکیلاتینین اوشاق حۆقوقلاری کمیتهسینین رهبری آن اسکلتون، بو مۆکافاتین اؤنجهکی غالیبی توکل کرمان، مۆختلیف بین الخلق تشکیلاتلارین نۆمایندهلری ده داخیل اولماقلا دۆنیانین مۆختلیف اؤلکهلریندن تانینمیش سیمالار ایشتیراک ائدیبلر.
اوشاق حۆقوقلاری بنیادینین موسس و باشچیسی مارک دولارت دئییب: ”افغان قادینلاری و قیزلاری دؤزولمز ظۆلم ایله اۆزلشیرلر. ان آزی ۲،۵ میلیون قیز تحصیلدن محرومدور. نیلا ابراهیمینین بو قیزلارین دۆنیادا سسینی گۆجلندیرمک اۆچون ایلهاموئریجی چابالاری اونا ۲۰-جی بین الخلق اوشاق باریش مۆکافاتینی قازاندیریب.
قید ائدک کی، افغانیستاندا طالبانین قادینلارین ماهنی اوخوماسینا قاداغا قویولماسیندان سونرا نیلا ابراهیمی اینتئرنئتده ماهنی پایلاشاراق اعتیراض ائتمیشدی. او ۱۴ یاشیندا طالبان افقانیستاندا حاکیمییته قاییتدیقدان سونرا عائلهسی ایله بیرلیکده پاکیستانا گئتدی، سونرا ایسه کانادادا یئرلشدی. نیلا همکارلاری ایله بیرلیکده آنلاین بیر پلاتفورم یاراتدی و قیزلاری اؤز حئکایهلرینی و تجرۆبهلرینی پایلاشمایا تشویق ائتدی.
ایلگیلیلی خبرلر
موغنی رابی ویلیامز ایلک دفعه ایستانبولدا کنسرت وئرهجک
دونیاجا مشهور موغنی رابی ویلیامز ایلک دفعه ایستانبولدا موسیقیسئورلرله گؤروشهجک.
