تورک دؤولتلری تشکیلاتی صونعی ذکا فورومو تشکیل ائدیلدی
فورومدا تورک دؤولتلرینده دیجیتال دؤنوشومو سرعتلهندیرمک اوچون صونعی ذکا تکنولوژیلری ساحهسینده تجروبهلر و ان یاخشی تطبیقلره باغلی معلومات وئریلدی
قیرقیزیستاندا تشکیل ائدیلهن "تورک دؤولتلری تشکیلاتی صونعی ذکا فورومو"ندا، بو ساحهده امکداشلیق و معلومات پایلاشیمینین اهمیتینه ایشاره ائدیلدی.
پایتاخت بیشکئکده گئرچکلشدیریلن فورومون ایلک گونونده، تورک دؤولتلری تشکیلاتی عضوو قیرقیزیستان، قازاقیستان، آذربایجان، اؤزبکیستان و تورکیهدن دیجیتاللاشما ساحهسینده مسئول تشکیلاتلارین مسئوللارینین ایشتیراکییلا "صونعی ذکانین دیجیتال دؤنوشومدهکی رولو" باشلیقلی بیر ایجلاس ائدیلدی.
ایجلاسدا، تورک دؤولتلرینده دیجیتال دؤنوشومو سرعتلهندیرمک اوچون صونعی ذکا تکنولوژیلری ساحهسینده تجروبهلر و ان یاخشی تطبیقلره باغلی معلومات وئریلدی.
تورکیه صنایع و تکنولوژی ناظیرلیگی آوروپا بیرلیگی و خاریجی علاقهلر عمومی مودورو احمد حالید حاطیپ، صونعی ذکا کیمی مؤوضوعلاردا منطقه و بین الخالق دستگین اهمیتینه دقت چکدی.
آذربایجان دیجیتال اینکیشاف و نقلیات ناظیر مشاویری فرید عثمانوو، صونعی ذکادا آلت یاپی پروبلئمینین بوتون اؤلکهلری ماراقلاندیردیغینی، بونون اوچون معلومات پایلاشیمینا حاضر اولدوقلارینی ایفاده ائتدی.
قازاقیستان حکومتی دیجیتال دستک مرکزی عمومی مودورو روستم بیگاری، صونعی ذکایا دایر پروگراملاما دیللرینی گلهجک نسیللرین ده آنلاماسی لازیم اولدوغونو ایفاده ائتدی.
اؤزبکیستان انفورماسیون تکنولوژیلری و ارتباطیم اینکیشاف ائتدیریلمهسیندن مسئول ناظیر مشاویری ماهسوم ماحمودوو، اؤلکهسینده صونعع بین الخالق امکداشلیق ضرورتینین اورتایا چیخماغا باشلادیغینی دیله گتیردی.
قیرقیزیستان دیجیتال اینکیشاف ناظیری نورویا کوتنایئوا، قیرقیزیستاندا کیملیک کارتی ایشلرینین ائدیلدیگی آنا دؤولت بیناسیندا پرسنلی ایزلهمه سیستمینین قورولدوغونو و وطنداشلارلا تعامل تامین ائدن صحبت روباتلارین (چتبوت) حیاتا گئچیریلدیگینی سؤیلهدی.
تجروبه و معلومات پایلاشیمی مقصد قویولور
قیرقیزیستان ناظیرلر کابینهسی باشقان کؤمکچیسی ائدیل بایسالوو، ایجلاسین سونوندا ژورنالیستلره وئردیگی شرحده، صونعی ذکا اینکیشاف ائتدیریلرکهن میللی دگرلری، تاریخی، دیلی، معلوماتی و عنعنهلری قورومانین اهمیتلی اولدوغونو ایفاده ائتدی.
دیجیتال اینکیشاف ناظیری کوتنایئوا دا جمهورباشقانی سادیر جاپارووون حمایهسینده تشکیل ائدیلهن فوروم ایله صونعی ذکا ساحهسینده تجروبه و معلومات پایلاشیمینین مقصد قویولدوغونو ایفاده ائتدی.
فورومدا، حکومت مسئوللاری، صونعی ذکا ساحهسینده قاباقا گلن متخصصلر، دیپلوماتلار، ایش دونیاسی نمایندهلری، عالیملر و انفورماسیون دونیاسیندان مسئوللار بیر آرایا گلدی.
یارین سونا چاتاجاق فورومون خصوصی قوناغی، تورکیه تکنولوژی تیمی وقفی (ت۳ وقفی) متولی هیئتی باشقانی سلجوک بایراکتار اولدو.
بو آرادا قیرقیزیستان جمهورباشقانی سادیر جاپاروو طرفیندن بایکار تکنولوژی ایداره هیئتی باشقانی سلجوک بایراکتارا قیرقیزیستانین مدافعه قابیلیتینین و عسگری پتانسیلینین گوجلندیریلمهسینه وئردیگی اهمیتلی قاتقیلاردان اؤترو "قیرقیزیستان دانک دؤولت اؤدولو" وئریلدی.
