تورک قهوه‌سی قطرده اولوسلار آراسی قهوه سرگیسینده تقدیم ائدیلیب
باشکند دوحه‌دکی کنقره و سرگی مرکزینده تشکیل ائدیلن نمایشگاها قهوه سئونلری بیر آرایا گتیریب
بو ایل ایکینجی دفعه قطرده گئچیریلن دوحه اولوسلار آراسی قهوه سرگیسینده تورک قهوه‌سی تقدیم ائدیلیب.
باشکند دوحه‌دکی کنقره و سرگی مرکزینده تشکیل ائدیلن نمایشگاها قهوه سئونلری بیر آرایا گتیریب.
نمایشگاهدا دوحه یونوس امره اینستیتوسو طرفیندن زیارتچیلره تورک قهوه‌سی تقدیم اولونوب.
قوناقلارا تورک قهوه‌سی ایله یاناشی تورک لوکومو دا وئریلیب.
بوندان علاوه، قوناقلارا تورک قهوه‌سینین تاریخی، تورک کولتورونده یئری و ایستئحصالی حاقیندا بیلگی وئریلیب.
سپتامبرین ۲۸-دک آچیق اولاجاق نمایشگاهدا دونیانین هر یئرین‌دن گلن زیارتچیلر قهوه کولتورونو داها یاخیندان یاشاماق ایمکانی الده ائده‌جکلر.
سرگینین تورکیه ایله قطر آراسیندا کولتورل امکداشلیغی گوجلندیرجه‌یی و تورک قهوه‌سینین اولوسلار آراسی جامعه‌ده داها دا تانیدیلماسینا یاردیم ائتمسی گؤزلنیلیر.
تورک قهوه‌سی ۵ دسمابر ۲۰۱۳-جو ایلده بیرلشمیش میلتلر تشکیلاتی‌نین تحصیل، علم و مدنیت تشکیلاتی‌نین (یونسکو) غیر-مادی کولترور میراث لیستینده جانلی میراث کیمی داخیل ائدیلیب، دسامبرین ۵-ی "دونیا تورک قهوه‌سی گونو" کیمی قید اولونماغا باشلاییب.
