دونیادا هر ۳ اوشاقدان بیری اوزاغی یاخشی گؤره بیلمیر
فرقلی قارهلردهکی ۵۰ اؤلکهدن جمعی ۵ میلیوندان چوخ اوشاق و گنجین اوزاغی گؤرمه سویهلری آراشدیریلدی
دونیادا هر ۳ اوشاقدان ان آز بیرینده اوزاغی یاخشی گؤره بیلمهمه پروبلئمی اولان میوپو اولدوغو تعیین اولوندو.
چیندهکی سون یات سن اونیوئرسیتهسیندن بیلیم اینسانلاری طرفیندن ایجرا ائدیلهن چالیشما داخیلینده، فرقلی قارهلردهکی ۵۰ اؤلکهدن جمعی ۵ میلیوندان چوخ اوشاق و گنجین اوزاغی گؤرمه سویهلری آراشدیریلدی.
آراشدیرما نتیجهسینده آراشدیرماچیلار، هر ۳ اوشاقان ان آز بیرینین میوپ اولدوغونو اورتایا قویدو.
بو انسبتین زامان ایچینده آرتماسینی گؤزلهدیکلرینی ایفاده ائدن آراشدیرماچیلار، ۲۰۵۰-جی ایله قدر تخمیناً ۷۴۰ میلیون اوشاق و گنجده میوپی اولا بیلهجیگی نتیجهسینه واردی.
میوپینین ۱۹۹۰-۲۰۲۳ ایللرینده ۳ قات یوکسهلهرک یوزده ۳۶یا چیخدیغینی تمعین ائدن آراشدیرماچیلار، ایچ مکانلاردا گئچیریلهن زامانین یئنی تیپ کوروناویروس (کووید-۱۹) اپیدمیسی ایله (۲۰۲۰-۲۰۲۲) آرتماسییلا، بو گؤز سورونونون دا "بؤیوک اؤلچوده" یاییلدیغینی ایفاده ائتدی.
ژنتیکه باغلی اولاراق دا اورتایا چیخان میوپیده خاریجی فاکتورلارین اهمیتینه دقت چکهن آراشدیرماچیلار، اوزاغی دقیق گؤره بیلمهمه پروبلئمینین، اوشاقلارین تحصیله داها ائرکهن یاشلاردا باشلادیغی آسیا قاهسینده آفریقایا گؤره ۷ قات داها یاییغین اولدوغونو کؤچوردو.
ائکرانا اوزون مدت معروض قالمانین میوپی ریسکینی آرتیردیغینی ایفاده ائدن آراشدیرماچیلار، اوغلانلارا مقایسهده ائشیکده داها آز واخت گئچیرهن قیز اوشاقلاریندا داها چوخ میوپی معین اولوندوغونو ایفاده ائتدی.
آراشدیرما، "بریتیش جورنیل آف آفتالمالجی" ژورنالیندا نومایش اولوندو.
