اسپیس اکس مارسا اینسانسیز ۵ فرقلی استارشیپ راکتی آتاجاق
"اوزای یولچوسو اولماق ایسته‌یه‌ن هر کسین مارسا گئتمه‌سینی تامین ائتمک ایسته‌ییریک"
آمریکالی میلیاردر ایلان ماسک، صاحبی اولدوغو اسپیس اکس شیرکتینین ایکی ایل ایچینده مارسا اینسانسیز ۵ فرقلی استارشیپ راکتی آتماغی پلانلادیغینی بیلدیردی.
ماسک، اکس حسابیندان وئردیگی شرحده، اسپیس اکسین استارشیپ مرکزلی ایلک مارس وظیفه‌سینین آیرینتیلارینا یئر وئردی.
آمریکالی میلیاردر، ۲۰۲۶یا قدر مارسا اینسانسیز ۵ استارشیپ راکتی گؤندرمه‌یی پلانلادیقلارینی بیلدیردی.
راکتلرین اعتبارلی شکیلده مارسا ائنمه‌سی حالیندا اینسانلی وظیفه‌لری ۴ ایل ایچینده ائده بیله‌جکلرینی ایفاده ائد‌ن ماسک،
"اگر چتینلیکلرله قارشیلاشساق اینسانلی وظیفه‌لر، ۲ ایل داها تاخیره سالینار" معلوماتینی پایلاشدی.
ماسک، اسپیس اکسین مارسا سیاحت ائد‌ن اوزای واسطه‌لرینین ساییسینی آرتیراجاغینی یازاراق،
"اوزای یولچوسو اولماق ایسته‌یه‌ن هر کسین مارسا گئتمه‌سینی تامین ائتمک ایسته‌ییریک" ایفاده‌سیندن ایستیفاده ائتدی.
ماسک، استارشیپ پروگرامینا باغلی ان بؤیوک قایغیلاریندان بیرینین "بوروکراتیک مانعلر" اولدوغونو ایفاده ائتدی.
آمریکا بیرلشمیش دؤولتلری باشقان کؤمکچیسی و دموکراتلارین باشقان نامیزدی کامالا هریسین سئچکینی قازانماسی حالیندا بو مانعلرین آرتاجاغینی مدافعه ائد‌ن ماسک،
"بو آندا آمریکانی اؤلومونه بوغان بوروکراسینین دموکرات پارتی رهبرلیگی آلتیندا داها دا بؤیویه‌جگیی قطعیدیر" فیکیرینی پایلاشدی.
ماسک،
"بو وضعیت، مارس پروگرامینی یوخ ائد‌جک و اینسانلیغین سونونو گتیره‌جک" قیمتله‌ندیرمه‌سینی وئردی.
ایلگیلی‌لی خبرلر
ت.ر.ت اولوسلار آراسی سندلی فیلم موکافات‌لاری‌نین آچیلیش مراسیمی کئچیریلیب
ت.ر.ت 15-جی اولوسلار آراسی سندلی فیلم موکافات‌لاری‌نین آچیلیش مراسیمی ایستانبول‌دا کئچیریلیب.
