تورکیه‌ده گؤزلنیلن عؤمور اوزونلوغو ۷۷،۳ ایل اولاراق حئسابلانیب
دوغوش زامانی گؤزلنیلن عؤمور اوزونلوغو کیشیلر اوچون ۷۴،۷ ایل، قادینلار اوچون ایسه ۸۰ ایل معین ائدیلیب
تورکیه‌ده دوغولاندا گؤزلنیلن عؤمور اوزونلوغو ۷۷،۳ ایل اولاراق حئسابلانیب.
تورکیه آمار تشکیلاتی «حیات جدوللری، ۲۰۲۱-۲۰۲۳» آمارینی آچیقلاییب.
بونا گؤره، تورکیه اوزره عومومی دوغوشدا گؤزلنیلن عؤمور اوزونلوغو جمعی ۷۷،۳ ایل اولاراق تعیین اولوندو. سؤزوگئدن رقم ۲۰۲۰-۲۰۲۲-جی ایللر اوچون ۷۷،۵ ایل اولاراق حئسابلانیب.
دوغوش زامانی گؤزلنیلن عؤمور اوزونلوغو کیشیلر اوچون ۷۴،۷ ایل، قادینلار اوچون ایسه ۸۰ ایل معین ائدیلیب. قادینلار عومومیتله کیشیلردن داها اوزون یاشاسالار دا، دوغوم زامانی گؤزلنیلن عؤمور فرقی ۵،۳ ایلدیر.
چالیشما قابیلیتی‌نین باشلانغیجی اولان ۱۵ یاشلی گنجلرین اورتا قالان عؤمور اوزونلوغو ۶۳،۵ ایل اولدوغو حالدا، بو مدت کیشیلر اوچون ۶۰،۹، قادینلار اوچون ۶۶،۱ ایل اولموشدور.
تورکیه‌ده ۳۰ یاشلی آدام اوچون اورتا قالان عؤمور اوزونلوغو ۴۹،۱ ایل، کیشیلر اوچون ۴۶،۶، قادینلار اوچون ایسه ۵۱،۵ ایلدیر. بو یاش اوچون کیشی و قادینلار آراسیندا گؤزلنیلن عؤمور فرقی ۴،۹ ایل حئسابلانیب.
تورکیه‌ده ۵۰ یاشیندا بیر اینسانین قالان عمرو اورتا حئسابلا ۳۰،۱ ایل قید ائدیلرکن، بو مدتین کیشیلر اوچون ۲۷،۸، قادینلار اوچون ایسه ۳۲،۳ ایل اولدوغو موعیین ائدیلیب.
تورکیه‌ده ۶۵ یاشینداکی بیر اینسانین قالان اورتا عمرو ۱۷،۴ ایل قید ائدیلرکن، بو مدت کیشیلر اوچون ۱۵،۷، قادینلار اوچون ۱۹ ایلدیر. ۶۵ یاشلی قادینلارین کیشیلردن اورتا حئسابلا ۳،۳ ایل داها چوخ یاشایاجاغی گؤزلنیلیر.
