ارسوی: بو ایله قدر تورکیه‌یه گتیریلن اثرلرین ساییسی ۳۶ اولوب

کولتور و توریزم ناظیری محمد نوری ارسوی، تخمینا ۴۰ ایل اول مانیسادا بیر مزاردان غیرقانونی قازینتی نتیجه‌سینده قاچاقچیلیق یولو ایله گتیریلن ۲۵۰۰ ایللیک تونج صیدر تورکیه‌یه قایتاریلدیغینی آچیقلاییب.

چانکیری‌دا چیخیش ائدن ناظیر ارسوی کولتورل میراثی قورودوقلارینی وورغولایاراق دئدی: "مدنیتیمیزه و تاریخیمیزه عائید بوتون اثرلری ایزله‌ییریک و همین اثرلری تاپیب اؤلکه‌میزه گتیریریک. بونون سون نومونه‌سینی بو گون چانکیری‌دا اعلان ائتمکدن چوخ ممنونام. تخمینا ۲۵۰۰ ایل یاشی اولان تونج صیدر پاول گئتتی موزه‌سیندن گئری قایتاریلدی. ۱۹۸۰-جی ایللرین اوللرینده مانیسا بؤلگه‌سیندکی بیر مزاردان قاچاق یوللا چیخاریلدیغی آشکار ائدیلمیش بیر اثردیر". 

ارسوی بو گونه قدر اؤلکه‌یه گتیریلن تاریخی اثرلر حاقیندا بیلگی وئریب، "بو قاییدیشلا ۲۰۲۴-جو ایلده تورکیه‌یه گتیریلن اثرلرین ساییسی ۳۶ اولدو. ۲۰۱۸-جی ایلدن، یعنی یالنیز سون ۶ ایلده ۷ مین ۸۴۰ اثرین اؤلکه‌میزه بو یوللا قایتاریلماسینی تامین ائتدیک. ۲۰۰۲-جی ایلدن بو یانا گتیریلن اثرلر ۱۲ مین ۱۵۶دیر" دئدی.