آنتی‌بیوتیک مقاومتی یوزده ۷۰ آرتابیلر
آراشدیرمایا گؤره، ۲۰۵۰ ایلینه قدرکی مدتده آنتی‌بیوتیک مقاومتینه ا باغلی اؤلوم ساییسی ۳۹ میلیونا چاتابیله‌جک
آنتی‌بیوتیک مقاومتینه (ای‌ام‌آر) باغلی اؤلوملرین نیسبتی ۲۰۵۰ ایلینه قدر یوزده ۷۰ آرتابیلر.
نتیجه‌لری د لنست درگیسنده نوماییش اولونان آراشدیرمایا گؤره، ۲۰۵۰ ایلینه قدرکی مدتده ای‌ام‌آرا باغلی اؤلوم ساییسی ۳۹ میلیونا چاتابیله‌جک.
۲۰۴ اؤلکه‌ده تخمیناً ۵۲۰ میلیونو آشان معلوماتین قیمتلندیریلدیگی آراشدیرمادا، ۱۹۹۰-۲۰۲۱ ایللری آراسیندا آنتی‌بیوتیک مقاومتینه باغلی اؤلوملرین ایللیک ۱ میلیون اطرافیندا اولدوغو معین ائدیلدی.
ایر‌لی یاشداکی خسته‌لرین داها یوکسک ریسک کاتگوریسینده اولدوقلارینا ایشاره ائد‌ن متخصصلر، سؤزو گئدن دؤورده ۵ یاش آلتی اوشاقلاردا ای‌ام‌آر نیسبتینده دوشوش گؤرولرکه‌ن، ۷۰ یاش اوستو شخصلرده یوزده ۸۰لیک بیر آرتیش معین اولوندوغونو قئید ائتدی.
آراشدیرمادا، سون دؤورده ای‌ام‌آرا باغلی اؤلوملرین آرتاراق داوام ائتدیگی وورغولانارکه‌ن، گلن دؤردده‌بیر عصرده بونا باغلی اؤلوم نیسبتینده یوزده ۷۰ اطرافیندا بیر آرتیش اولا بیله‌جگی تخمین ائدیلیر.
آراشدیرماچیلاردان لس آنجلسده‌کی کالیفورنیا اونیوئرسیته‌سیندن کئوین ایکوتا نتیجه‌لرین، ۲۰۵۰ ایلینده دونیادا هر دقیقه‌ده ۳ نفرین ای‌ام‌آرا باغلی انفکسونلاردان اؤله بیله‌جگینی گؤستردیگینی سؤیله‌دی.
ایکوتا، گلن دؤردده‌بیر عصرده ای‌ام‌آرا باغلی اولاراق میدانا گله‌جک اؤلوملرین چوخونون جنوبی آسیا و صحرا آلتی آفریقا اؤلکه‌لرینده اولاجاغینی تخمین ائتدیکلرینی ایفاده ائد‌رک، "چاشدیریجی شکیلده، آنتی‌بیوتیکلرین حدیندن آرتیق و یا بیلینجسیزجه ایستیفاده ائدیلدیگینی گؤروروک، بو دا باکتریلرین زامان گئچدیکجه داها مقاوم حالا گلمه‌سی اوچون داها چوخ تضییق میدانا گتیریر" دئدی.
آراشدیرماچیلار، سؤزو گئدن معلوماتلار ایشیغیندا، حدیندن آرتیق درمان ایستیفاده‌سینین اؤنله‌نمه‌سی و آنتی‌بیوتیکلری الده ائتمه‌نین داها دقت‌لی شکیلده کنترل اولونماسی لازیم اولدوغو چاغریسی ائتدی.
