هؤیوک چییلهیی، آوروپا بیرلیگی جغرافی گؤستریجی قیدیاتی آلیب
تورکیه صنایع و تکنولوژی باخانی: هؤیوک چییلهیی آوروپا بیرلیگینده قیدیاتدان گئچمیش ۲۵-جی جغرافی نیشانیمیز اولدو
تورکیهدن بیر محصول داها آوروپا بیرلیگی جغرافی گؤستریجی قیدیاتی آلیب.
هؤیوک چییلهیی آوروپا بیرلیگینده قیدیاتدان گئچهن ۲۵-جی محصول اولدو.
تورکیه صنایع و تکنولوژی باخانی محمد فاتح کاجیر سوسیال مئدیا حئسابیندان ائتدیگی پایلاشیمدا، قونیهنین هؤیوک شهرستانیندا یئتیشدیریلن و اؤزونه اؤزل دادی و عطری ایله مشهور اولان چییلکلرین آرتیق جغرافی ایشارهلی محصوللار آراسیندا اولدوغونو آچیقلاییب.
کاجیر، "هؤیوک چییلهیی آوروپا بیرلیگینده قیدیاتدان گئچمیش ۲۵-جی جغرافی نیشانیمیز اولدو. قونیهیه و اؤلکهمیزه خئیرلی اولسون" دئدی.
باشلانان اولوسلار آراسی جغرافی گؤستریجی سفربرلیگینه دقت چکن ناظیر کاجیر، آنادولونون بنزرسیز دادلارینی و دَگرلرینی دونیایا تانیتماغا داوام ائدهجکلرینی بیلدیردی.
پوستدا هؤیوک چییلهییده داخیل اولماقلا جغرافی اولاراق گؤستریلن ۲۵ محصول آشاغیداکی کیمی گؤستریلیب:
"غازیعنتپ پاخلاواسی، آیدین انجیری، مالاتیا قیصیسی، آیدین شابالیدی، میلاس زیتون یاغی، بایرامیچ آغی، تاشکؤپرو ساریمساغی، گیرهسون دولغون فیندیق، آنتاکیا کونفهسی، سوروچ ناری، چاغلایانجئریت جویزی، گئملیک زیتون، ائدرئمیت زیتون یاغی، میلاس زیتون یاغی، آیاش بامادورو، ماراش تارهاناسی، ائدرئمیت کؤرفزی یاشیل جیزیق زیتون، ائزینه پئندیری، سافرانبولو زعفرانی، آیدین مئمئجیک زیتون یاغی، آرابان ساریمساغی، عثمانیه فیستیغی، بینگؤل بالی، بورسا شافتالیسی، هؤیوک چییلهیی."
ایلگیلیلی خبرلر
ایراندا تورک دیلینده یئنی صحیفه آچان شهریاری رحمت ایله یاد ائدیریک!
بوگون شهریور آیینین 27-سی شهریارین وفاتینین 36-نجی ایلدؤنومودور
