تورکیهده بورسلو اوخویان ۲ مین ۸۰۰ اؤیرنجی ماذون اولدو
دیش تورکلر و قوهوم توپلولوقلار باشقانلیغی طرفیندن، تورکیه بورسلاریندن فایدالانان بینالخالق اؤیرنجیلر اوچون ایستانبولدا ماذونیت مراسیمی تشکیل ائدیلدی
2174942
تورکیه بورسلاری پروگرامیندا ۲ مین ۸۰۰ اؤیرنجی ماذون اولدو.
دیش تورکلر و قوهوم توپلولوقلار باشقانلیغی طرفیندن (یتب)، تورکیه بورسلاریندن فایدالانان بینالخالق اؤیرنجیلر اوچون ایستانبولدا ماذونیت مراسیمی تشکیل ائدیلدی.
مراسیم، ماذون اؤیرنجیلرین دانیشمالارییلا باشلادی.
مراسیمده ایشتیراک ائدن دیش تورکلر و قوهوم توپلولوقلار ادارهسی باشقانی عبدالله ارن، دونیانین ۱۸۰ اؤلکهسینده بینالخالق اؤیرنجینی تورکیهده قوناق ائتدیکلرینی و بو سایینین هر ایل آرتدیغینی ایفاده ائتدی.
مراسیمه ایستانبول والیسی داوود گول ده قاتیلدی. گول، اؤیرنجیلرین تورکیه ایله اؤز اؤلکهلری آراسیندا کؤرپو اولاجاقلارینی ایفاده ائتدی.
دانیشمالارین آردیندان درجهیه گیرهن اؤیرنجیلره اؤدوللری وئریلدی.
مراسیم توپلو فوتوگراف چکیمی ایله سونا چاتدی.
