ایستی هاوا بالونلاری کاپادوکیادا اوچدو
تورکیه مدنیت یولو فستیواللارینین بو ایل یئددینجی آیاغی اولان نئوشهیردهکی فستیوال داخیلینده شهرده مختلیف فعالیتلره ائو صاحبلیگی ائدیلیر
مدنیت و توریزم ناظیرلیگی طرفیندن تشکیل ائدیلهن "نئوشهیر مدنیت یولو فستیوالی"نا مختلیف اؤلکهلردن قاتیلان فیگورلو ایستی هاوا بالونلاری کاپادوکیا گؤیلرینده اوچدو.
تورکیه مدنیت یولو فستیواللارینین بو ایل یئددینجی آیاغی اولان نئوشهیردهکی فستیوال داخیلینده شهرده مختلیف فعالیتلره ائو صاحبلیگی ائدیلیر.
شهرده بو ایل ایکینجیسی گئرچکلشدیریلن فستیوال چرچیوهسینده، دونیادا ایستی هاوا بالون تورلارینین ان سیخ شکیلده ائدیلدیگی بؤلگهده بیر بیریندن ماراقلی فیگورلو بالونلار پریباجالارینین اوزرینده اوچدو.
بالونلار گونون ایلک ایشیقلارییلا اوچوش اوچون حاضیرلانارکهن، فستیوال ساحهسینه گلنلر تورکیهنین یانیندا اتریش، آذربایجان، بلژیک، برزیل، اینگیلتره، فرانسا، آلمانیا، هلند، لیتوانی، مقدونیه، مولدووا، لهستان، پرتغال، اسلوواکی، اسلوونی، ایسپانیا، سوئیسدن فعالیته قاتیلان بالونلارین گؤزسل شؤلهنینی ایزلهدی.
"قورباغا"، "فیل"، "توسباغا، "راکت"، "اورک"، "قورد"، یئر دییرمانی" کیمی ۶۰ فیگورلو بالون گؤرهمه بؤلگهسیندن قالخدیقدان سونرا وادیلر اوزرینده تخمیناً ۴۵ دقیقه بویونجا اوچدو.
نئوشهیر مدنیت یولو فستیوالی داخیلینده ۵۰۰ه یاخین فعالیت گئرچکلشدیریلدی.
نئوشهیر مدنیت یولو فستیوالی داخیلینده فیگورلو بالونلارین اوچوشلاری هر سحر گون دوغومو واختیندا گئرچکلشدیریلهجک اولوب ۱۱ آگوستا قدر داوام ائدجک.
