روسیه، تلگرام پلاتفورمونو ۳ میلیون روبل جریمه ائدیب

ایکس، فئیس بوک و اینستاگرام کیمی پلاتفورم‌لارین قدغن اولدوغو روسیه‌ده، تلگرام بو اؤلکه‌ده ان چوخ ایستیفاده ائدیلن سوسیال مئدیا و مئساژلاشما پروقرامی‌دیر

2160687
روسیه، تلگرام پلاتفورمونو ۳ میلیون روبل جریمه ائدیب

روسیه‌‌ده بیر محکمه، سوسیال مئدیا پلاتفورمالارین‌دان بیری اولان تلگرامی ۳ میلیون روبل (تخمینا ۳۴.۰۰۰ دولار) مبلغینده جریمه‌ ائلدی.
روسیه فدرال اینفورماسیون تئکنولوژی‌لری و کوتلوی ارتباطلارا نظارت ائتمه قورومو (Roskomnadzor) تلگرامی محکمه‌یه شکایت ائتدی.
محکمه، "روسیه‌ده حؤکومت علیه‌ینه مضمونلار تلگرام واسیطه‌سیله الده ائدیلیر" دئدی و بونون اوچون ده تلگرامی قانونلارا اویمادیغیندان دولایی سوچلو گؤروب، بو پلاتفورم علیه‌ینده ۳ میلیون روبل جریمه‌‌یه حوکوم وئردی.
بوندان اول روسیه‌ده بنزر ندنلره گؤره تلگرام علیه‌ینه موختلیف جریمه‌لر تطبیق ائدیلمیشدی.
ایکس، فئیس بوک و اینستاگرام کیمی پلاتفورم‌لارین قدغن اولدوغو روسیه‌ده، تلگرام بو اؤلکه‌ده ان چوخ ایستیفاده ائدیلن سوسیال مئدیا و مئساژلاشما پروقرامی‌دیر.



ایلگیلی‌لی خبرلر