آراشدیرمالار: فیللر‌ ده اینسانلار کیمی بیربیرلرینی آدلاری ایله چاغیریرلار

نیچر اکولوژی اند اولوشن درگیسینده درج اولونان آراشدیرمایا گؤره، وحشی آفریقا فیللری حیوانلاردا نادیر بیر قابیلییتدن ایستیفاده ائده‌رک بیربیرلرینی آد ایله چاغیریرلار

2159213
آراشدیرمالار: فیللر‌ ده اینسانلار کیمی بیربیرلرینی آدلاری ایله چاغیریرلار

شخصی آدلار اینسان دیلینین تئورنسل خوصوصیتیدیر، لاکین دیگر نؤوعلرده اونلارین بنزرلری آزدیر.

اؤرنک اوچون، دلفینلر و توتوقوشولار هم صؤحبتین چاغیریشلارینی تقلید ائده‌رک همجینسلرینه خوصوصیتلره سسلنیرلر، حالبوکی اینسان آدلاری عومومیتله آدی چکیلن شخصین چیخاردیغی سسلری تقلید ائتمیر.

بو خوصوصیتین یالنیز اینسانلاردا اولدوغو گومان ائدیلیردی. آنجاق بو اینانج وحشی آفریقا فیللری اوزرینده آپاریلان سون آراشدیرمالارلا دَییشدی.

سیو د الفنتز و الفنت وویس انستیتولاریندا چالیشان آراشدیرماجیلار مشاهیده‌لر نتیجه‌سینده شوبهه‌لندیکلری داورانیشی آشکار ائتمک اوچون ماشین اؤیرنمه متودوندان ایستیفاده ائتدیلر؛ فیللرین چیخاریغی سسلری نظرده توتولان آلیجی او سسلری آدا بنزر اولدوغونو اونایلادی.

آراشدیرماجیلار قیده آلینان سسلری یئنیدن سسلندیرنده‌، فیللر گئری دؤنوب هوپرلورا یاخینلاشاراق او سسلره مثبت جاواب وئردیلر.

او بیری فیللرین آدلارینی احتوا ائدن سسلره تئپکی وئرمه‌ییبلر.

 

فیللر و اینسانلار اوخشار سوسیاللاشمایا مالیکدیرلر

فیللر و اینسانلار سوسیال جهتدن قاریشیق و یوکسک قابلیتلری واردیر.

فیللر اینسانلارین قاریشیق سوسیال شبکه‌لرینه بنزر عائله عضولری، سوسیال قروپلار و داها بؤیوک قبیله یاپیسیندادیرلار. 

آراشدیرماجیلارا گؤره، اوخشار احتیاجلار هر ایکی نؤوعده اختیاری سس مارکرلرینین (او بیری فردلری سسلر ایله آدلاندیریلماسی) انکیشافینا سبب اولدو.

فیللر بیربیری ایله گؤرمه، قوخو و توخونما ایله یاناشی، سس واسیطه‌سی ایله‌ ده یاخینلیق قورن دانیشان حیوانلاردیر. اونلارین سسلنیشلری شخصین شخصییتی، یاشی، جینسی، دویغوسال وضعیتی و داورانیش شکلی داخیل اولماقلا زنگین بیلگی داشییر. 

سس تئللرین‌دن تروبا کیمی ایستیفاده ائتمکدن توتموش آشاغی گورولتولو سسلر چیخارماغا قدر، فیللرین سسلری اینسان قولاغینین ائشیده بیلجه‌یی دیاپازوندان آشاغی اولان اینفراسسلر‌ده داخیل اولماقلا گئنیش تئزلیک سپئکترینی احاطه ائدیر. بو چاغیریشلاردان ایستیفاده ائده‌رک فیللر اوزون مصافه‌لرده قروپ حرکتلرینی کووردیناسییا ائده بیلیرلر.

 

 


اتیکتلر: #انسان , #فیل

ایلگیلی‌لی خبرلر