یایدا یئمک تهلوکهسیزلیگینی نئجه تامین ائتمک اولار؟
یای آیلاریندا آرتان یئمک زهرلنملریندن قورونماق اوچون تمیزلیگه، پیشمیش و چیی یئمکلرین بیربیریندن آیریلماسینا، دوزگون پیشیریلمهسینه، یئمکلرین دوزگون ایستیده ساخلانماسینا و ساغلیقلی خامماده و سودان استیفادیه دقت ائدیلمهلی
یای آیلاریندا هاوانین سیجاقلیغینی آرتماسی ایله یئمکدن زهرلنمهلره داها چوخ راست گلینیر.
قوسما، اسهال، معده آغریسی، تب و حالسیزلیق کیمی علامتلرله اؤزونو گؤسترن یئمک زهرلنمهسی ایستی هاوا شرایطینده باکتئری و دیگر میکرواورقانیزملرین سورعتله چوخالماسی نتیجهسینده باش وئریر.
اونلار عمومیتله یونگول و قیسا مدتلی خستهلیکلر اولسالار دا، زهرلنمهیه سبب اولان بعضی یئمک و اینسان فاکتورلاری بعضا خستهلگین داها آغیر گئچمسینه سبب اولا بیلیر.
پبیشمیش یئمکلر و چیی یئمکلر بیربیریندن آیریلمالیدیر
یئمک زهرلنمهسینین قارشیسینی آلماغین ان تأثیرلی یولو یئمکلری دوزگون حاضیرلاماق و ساخلاماقدیر.
باکتئریلر خسته و یا داشیییجی شخص واسیطهسی ایله یئمکلره گئچهبیلر و یا "چارپاز بولاشما" آدلانان غیر-یئمک و باکتئری ترکیبلی عامیللردن باکتئری ایله بولاشما یولو ایله تمیز یئمکلره ده گئچهبیلر.
چارپاز بولاشما اللر، قابلار، یئمک دوغراما تختهلری، مطبخده استیفاده اولونان میزلر و سونگرلر، پالتارلار، اؤسکورک و آسقیرما زامانی دامجیلار و باکتئری ایله چیرکلنمیش مایعلرله تماسدا اولان و یا مایعدن سیزان هر هانسی سطح نتیجهسینده یارانابیلر.
یئمک تهلوکهسیزلیگینی تامین ائتمک اوچون بئش قایدایا عمل ائدیلمهلیدیر: تمیزلیک، پیشمیش و چیی یئمکلرین بیربیریندن آیریلماسی، دوزگون پیشیریلمهسی، یئمکلرین دوزگون ایستیده ساخلانماسی و ساغلیقلی خامماده و سودان استیفاده.
بو چرچیوهده شخصی تمیزلیک ایله یاناشی، ایستیفاده اولونان آلتلرین تمیزلنمهسی و دئزینفئکته ائدیلمهسینه و یئمک اورتیلن بوتون ساحهلرین تمیزلنمسینه دقت یئتیریلمسی لازیمدیر.
چیی ات، قوش اتی و دنیز محصوللارینی پیشمیش یئمکلر و سالادلار کیمی او بیری چیی یئمکلردن آییرماق، چیی یئمکلرین حاضیرلانماسیندا چئشیدلی بیچاق و کسیجی تاختالاردان استیفاده ائتمک، حاضیر یئمکلری و چیی یئمکلری آیری ساخلاماق واجیبدیر.
خاراب اولماسی باخیمیندان تهلوکهلی یئمکلر کیمی قید اولونان ات، سوت و یومورتا کیمی قیدالارین بیولوژی تهلوکهلری آرادان قالدیرماق اوچون اویغون ایستیلیق و واختدا پیشیریلمهسینین واجیبلیگی وورغولانیر.
خستهلیک تؤرهدن میکرواورقانیزملرین چوخالماسینین قارشیسینی آلماق اوچون یئمکلرین اویغون محیط، واخت و ایستیلیکده ساخلانمالی، یئمکلرین حاضیرلانماسیندا تمیز سودان ایستیفاده ائدیلمهلی، یئنی و ساغلام قیدالار اعتیبارلی قایناقلاردان سئچیلمهلی، پاستوریزه ائدیلمیش و استریلیزه اولونموش سوت کیمی تهلوکهسیز محصوللار سئچیلمهلیدیر.
یئمک حاضیرلارکن نظره آلینمالی قونولار
قیدالارین حاضیرلانماسی و ساغلاملیغینی قوروماق اوچون بوتون تزه مئیوه و سبزهلری بول سودا یاخشیجا یوماق، چیی و پیشمیش یئمکلری آیری-آیری حاضیرلیق سطحلرینده و آیری آلتلرله حاضیرلاماق، چیی یئمکلری پیشمیش یئمکلردن اوزاق ساخلاماق تؤوصیه اولونور.
چیی یئمکلره توخوندوقدان سونرا اللری یاخشیجا یوماق، ات و بالیق، خوصوصیله چیی تویوق ایله تماسدا اولان بوتون سطحلری هر استیفادهدن سونرا بول ایستی سو ایله یویاراق تمیزلمک ات، سوت و یومورتا کیمی ریسکلی یئمکلری حاضیرلانما مرحلهسینده سویودوجو ائشیگینده ان چوخ ۲ ساعات ساخلانماسی لازیمدیر. سویودوجودان ۲ ساعاتدان چوخ کناردا قالان ریسکلی یئمکلرین تهلوکهسیز اولمادیغینی وورغولامالیییق.
دوندورولموش یئمکلرین سویودوجودا، اوریژینال قابلاریندا سویوق آخار سو آلتیندا و یا میکرودالغادا اریدیلمهسی، اریدیکدن سونرا یئنیدن دوندورولماماسی و قورودولموش ات محصوللارینین سویودوجودا ساخلانماسی تؤوصیه اولونور.
