صنعی ذکا عصرینین یئنی پئشه‌سی: پرامپت مهندیسلیگی

وئریلن بوتون سۇاللارا جاواب وئرن صنعی ذکا تلکنولوژیسی گۆندن گونه اینکیشاف ائدیر

2157939
صنعی ذکا عصرینین یئنی پئشه‌سی: پرامپت مهندیسلیگی

دئمک اوْلار کی، وئریلن بوتون سۇاللارا جاواب وئرن صنعی ذکا تلکنولوژیسی گۆندن گونه اینکیشاف ائدیر. بو سیستمدن داها یوکسک ثمره‌ الده ائتمک اوچون تعلیماتلاری دقتله ترتیب ائتمک لازؽمدیر. بو نقطه‌ده یئنی پئشه ساییلان «پرامپت مهندیسلیگی» میدانا چیخیر.

ایندیکی زاماندا تکنولوژی ساده‌جه انکیشاف ائتمیر، بلکه حیاتین بیر بولومونه دؤنموشدور. او قدر کی، صنعی ذکانین بو قدر سورعتله اینکیشاف ائدجه‌گی و هر قونودا مطرح اولاجاغی گؤزلنیلمیردی. صنعی ذکا ان آزی بیر مدت انکیشاف ائدجه‌گی گؤزلنیلن بیر اختراع ایدی، لاکین بئله اولمادی. صنعی ذکا آرتیق هر ساحه‌ده اینسانلارا یاردیم ائتمگه باشلاییب.

آنجاق صنعی ذکادا استیفاده ائتمه‌نین بعضی اینجه‌لیکلری وار. وئریلن تعلیماتلاری ان یاخشی شکیلده تصویر ائتمکله‌، نتیجه‌نین کیفیتی اهمییتلی درجه‌ده آرتیر. اصلینده‌، بو ایش بیر پئشه کیمی گؤرونور: «پرامپت مهندیسلیگی».

پرامپت مهندیسلیگی حاققیندا داها چوخ بیلگی آلماق اوچون بیلگی تکنولوژیلری و رابیطه قورومونون گوونلی اینترنت مرکزینین باشقانی دکتر شاهین بایزان ایله دانیشدیق. 

پرامپت مهندیسلیگی نه‌دیر؟ 

دکتر بایزان دئییر کی، پرامپت مهندیسلیک، صنعی ذکا مدللرینین ایستنیلن نتیجه‌نی وئرمه‌سینی تامین ائدن تعلیماتلاری، یعنی گؤستریشلری دقتله ترتیب و تنظیم ائتمه‌یی هدفله‌ین یئنی بیر قاورام کیمی دوشونوله‌بیلر.

سورعتله اینکیشاف ائدن بیر ساحه اولان پرامپت مهندیسلیک یاخین گلجکده بیر چوخ بؤلومده اؤنملی رول اویناما پتانسیلینه مالیک اولاجاق. بو ساحه‌ده اختیصاصلاشما، صنعی ذکا دیل مدللرینین گوجوندن ان یاخشی شکیلده ایستیفاده ائتمکله موختلیف تطبیقلرده ثمره‌لیلیگین تامین ائدیلمه‌سینه یاردیم ائده‌جک.

بایزان، صنعی ذکا مدللرینین دوزگون و ایستنیلن نتیجه‌نی الده ائتمک اوچون وئریلن تعلیماتلارا چوخ باغلی اولدوغونو بیلدیریر. بو تعلیماتلار مدلین باشا دوشدویو و لازیمی شکیلده جاواب وئرجگی شکیلده ترتیب ائدیلمه‌لیدیر.

دیل مدللرینین پتانسیلینی ان یوخاری درجه‌ده آرتیرماق و اؤزل تاپشیریقلار اوچون اویقون جاوابلار الده ائتمک اوچون دوزگون گیریشلرین دیزاینینی و سازلانماسینی تامین ائدن پرامپت مهندیسلیگی بورادان گلیر.

 

دوزگون پرامپت ایستیفاده ائتمه‌نین اؤنمی نه‌دیر؟

اؤیرنمه‌نین ان تأثیرلی یوللاریندان بیری سوال وئرمکدیر. دکتر بایزان دوزگون معلومات الده ائتمک اوچون سوالین نئجه وئریلدیگینین بؤیوک اهمیت کسب ائتدیگینی بیلدیریر. او، صنعی ذکا مدلینین ایستنیلن جاوابی تام و دقیق شکیلده وئره‌بیلمه‌سینین وئریلن سوالین نئجه‌لیگیندن آسیلی اولدوغونا دقت چکیر.

پرامپت موهندیسلیک تاثیرلی و آیدین سواللار فورمالاشدیرماقلا صنعی ذکا پرفورمانسینی اوپتیماللاشدیریر. یاخشی ترتیب ائدیلمیش سورغو مدلین دقیق و موافیق جاوابلار وئرمه‌سینی تامین ائدیر، بئله‌لیکله، ایستیفاده‌چیلر آختاردیقلاری معلوماتی داها ثمره‌لی الده ائدیرلر. بونا گؤره ده، صنعی ذکا ایله چالیشیلدیغیندا دوزگون پرامپ و دستورلاردان ایستیفاده ائتمک اؤیرنمه‌ده باشاری و صنعی ذکا ایله دسته‌کلنن سیستملرین تاثیرینی آرتیریر.

یاخشی دیزاین ائدیلمیش دستورلار مدله داها دقیق و اویقون جاوابلار وئرمه‌یه امکان وئریر و مدله معیین تاپشیریقلاری داها تئز و ثمره‌لی شکیلده یئرینه یئتیرمه‌یه کؤمک ائدیر. بوندان علاوه‌، آیدین و باشا دوشولن دستورلار ایستیفاده‌چی تجربه‌سینین یاخشیلاشدیریلماسیندا و گؤزلنتیلرین قارشیلانماسیندا اونملی رول اویناییر.

 

پرامپت مهندیسی اولماق اوچون هانسی اؤزللیکلر طلب اولونور؟

دکتر بایزان پرامپت مهندیسی اولماق ایسته‌ین اینسانلاردا آختاریلان خصوصیتلردن‌ده بحث ائدیر.

او بیلدیریر کی، بو شخص اساس صنعی ذکا و دیل مدللری حاققیندا گئنیش بیلگی‌یه مالک اولمالیدیر. او وورغولاییر کی،ذ پرامپت مهندیسی اولماق ایسته‌ین، پروقراملاشدیرما دیللرینده‌ خصوصا‌ده Python دیلینده باشاریلی اولمالی، دیله و دیلین ایشلنمه‌سی تکنیکلرینه یئترلی قدر حاکیم اولمالیدیر.

بوندان علاوه‌، معلوماتلارین تحلیلی و ایشلنمه‌سی حاققیندا سررشته‌سی اولماسی دا واجیبدیر. او، آیریجا پروبلملری آنلاماق و حل ائتمک قابلیتینه، بو ساحه‌دکی مؤوجود اینکیشافلاری ایزله‌یه‌بیلمه‌سینه، داواملی اؤیرنمه‌یه آچیق اولماسینا، تهلوکه‌سیزلیک و ائتیک شعورونا صاحیب اولماسینین گؤزلنیلدیگینی بیلدیریر.

 

 

 



ایلگیلی‌لی خبرلر